بھارتی جارحیت کا منہ توڑ جواب؛ کراچی میں بھارتی ڈرون مار گرایا

محمد کاشان صدیقی

08th May, 2025. 02:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی جارحیت کا منہ توڑ جواب؛ کراچی میں بھارتی ڈرون مار گرایا

پاکستان نے بھارتی جارحیت کا منہ توڑ جواب دیتے ہوئے کراچی میں ڈرون مارگرایا۔

بھارت کی جانب سے پاکستان کی حدود میں بزدلانہ کاروائیاں جاری ہیں اور اب تک اسرئیلی ساختہ 25 ڈرونز کو مار کر گرایا جاچکا ہے۔

اسی طرح کراچی گلشن حدید لنک روڈ کے قریب ڈرون گرنے کی اطلاع دی گئی جس کے بعد پولیس اور ریسکیو ٹیمیں جائے وقوعہ پر پہنچ گئیں ہیں۔

پولیس نے جائے وقوعہ سے دھاتی ٹکڑے جمع کرنے شروع کر دیئے ہیں۔

یہ بھی پڑھیں: فضائی حدود کی خلاف ورزی، پاک فوج نے بھارتی ڈرون مار گرایا

بھارت کا بزدلانہ حملہ، پاکستان کا منہ توڑ جواب

واضح رہے کہ بھارت نے 6 اور 7 اپریل کی درمیانی شب اندھیرے میں پاکستان کے شہری علاقوں پر حملہ کر کے کشیدگی میں خطرناک اضافہ کیا تھا، پاک فوج کے شعبہ تعلقات عامہ (آئی ایس پی آر) کے مطابق اس حملے کے نتیجے میں 31 معصوم شہری شہید اور 57 زخمی ہوئے۔

بھارتی حملے کے فوراً بعد پاکستان کی مسلح افواج نے بھرپور جوابی کارروائی کرتے ہوئے بھارتی فضائیہ کے پانچ جنگی طیارے اور تین رافیل مار گرائے، اس کے ساتھ ساتھ دشمن کے ایک بریگیڈ ہیڈکوارٹر اور متعدد فوجی چیک پوسٹوں کو بھی نشانہ بنا کر تباہ کیا گیا۔

بعد ازاں عسکری و سیاسی قیادت کی جانب سے واضح کیا گیا کہ یہ ردعمل صرف ابتدائی دفاعی اقدام تھا اور اصل جواب ابھی باقی ہے، تاہم وزیراعظم نے قومی سلامتی کمیٹی کے اجلاس میں مسلح افواج کو مکمل اختیار دے دیا کہ وہ وقت، جگہ اور دستیاب وسائل کا تعین خود کریں اور بھرپور جوابی کارروائی کریں۔