پاکستان کی دفاعی فورسز نے ایک اہم کامیابی حاصل کرتے ہوئے اسرائیل ساختہ جدید ڈرون اور فرانس کے رافیل طیاروں کو 2 گھنٹوں کے اندر ناکام بنا دیا۔ بھارتی فضائیہ کے بعد اب بھارتی بری فوج بھی اپنے دفاعی ہتھیاروں میں ناکامی کا شکار ہو گئی ہے۔

پاکستانی ایئر ڈیفنس سسٹم نے اسرائیلی ڈرونز کو ایک گھنٹے کے اندر فضاء سے نکال پھینک کر بھارت کی دفاعی حکمت عملی کو شدید دھچکا پہنچایا۔ اس کے ساتھ ہی فرانسیسی رافیل طیاروں کی شکست نے بھارت کی فوجی صلاحیتوں پر سوالات اٹھا دیے ہیں۔

بھارتی میڈیا میں اس بات کا انکشاف کیا جا رہا ہے کہ رافیل طیاروں کی ناکامی کے بعد اب اسرائیلی ڈرونز کا استعمال بھارتی حکومت کی دفاعی حکمت عملی میں مزید بداعتمادی کی عکاسی کر رہا ہے۔

بھارت نے اپنے دفاعی نظام کی تکمیل کے لیے اسرائیلی ساختہ ڈرونز کو استعمال کرنے کا فیصلہ کیا تھا، لیکن پاکستانی دفاعی سسٹم نے انہیں اتنی جلدی ناکام بنا دیا کہ بھارتی فوج کی حکمت عملی برباد ہو گئی۔

مزید پڑھیں: پاک بھارت کشیدگی: افواجِ پاکستان نے اب تک اسرائیلی ساختہ 25 ہیروپ ڈرونز مار گرائے

پاکستانی ایئر ڈیفنس نے بھارتی ڈرونز کو کاغذ کے جہازوں کی طرح زمین بوس کرتے ہوئے اپنی طاقت کا لوہا منوایا، جس سے بھارتی حکام اور فوجی رہنماؤں میں شدید پریشانی پھیل گئی۔

پاکستان کے اس جوابی اقدام نے بھارتی وزیراعظم نریندر مودی اور وزیر دفاع اجیت دوول کی قیادت میں بھارت کی عالمی سطح پر مزید بدنامی کی صورت پیدا کر دی ہے۔

بھارتی اپوزیشن کی جانب سے مودی حکومت کے خلاف شدید تنقید اور سیاسی میدان میں احتجاجی آوازیں بلند ہو رہی ہیں، جس سے بھارتی حکومت کے مستقبل پر سوالات اٹھنے لگے ہیں۔

اسی دوران بھارت میں رافیل طیاروں کی کرپشن زدہ ڈیل کے خلاف عوامی ردعمل بڑھتا جا رہا ہے، جسے بھارتی عوام کے ساتھ بدترین فراڈ کے طور پر دیکھا جا رہا ہے۔

اب بھارتی میڈیا پر رافیل کا ذکر مکمل طور پر بلیک آؤٹ کر دیا گیا ہے، تاکہ عوام میں اس معاملے پر مزید بحث نہ ہو۔