فرانسیسی اخبار نے رافیل طیاروں کی تباہی کو بھارتی فضائیہ کے لیے بڑا دھچکا قرار دیتے ہوئے لکھا ہے کہ پاکستان میں فوجی آپریشن نے بھارتی فضائیہ کی کمزوریوں کو ظاہر کردیا ہے۔

اخبار کا کہنا ہے کہ بھارت نے کم از کم 3 طیاروں کے نقصان کو تسلیم کرلیا ہے، جن میں رافیل بھی شامل ہے، جس کی تصدیق بھارتی سیکیورٹی ذرائع نے کی ہے۔

فرانسیسی اخبار کا کہنا ہے کہ پاکستانی فضائیہ کے پاس15سال سے جاری انسداد دہشت گردی کی کارروائیوں کی وجہ سے جنگی آپریشنز کا بھارت سے زیادہ تجربہ ہے۔

پاکستان کے پاس جدید چینی ساختہ لڑاکا طیارے بھارت کے مقابلےکے لیے موجود ہیں۔

فرانسیسی اخبار کا یہ بھی کہنا تھا کہ  بھارت نے میڈیا کو لڑاکا طیاروں کی تباہی کی خبر ہٹانے پر مجبورکیا۔

اخبار کے مطابق بھارت نے اپنی فضائیہ کی استعداد بڑھانے کے لیے 2016 میں 36 رافیل طیارے تقریباً 8 ارب یورو میں خریدے تھے۔

دسمبر 2024 میں بھارت کے آڈیٹر جنرل کی رپورٹ میں بھارتی فضائیہ کے تکنیکی مسائل اور تربیت پر سوالات اٹھائےگئے تھے۔

یاد رہے کہ پاکستان کی مسلح افواج بھارتی جارحیت کا منہ توڑ جواب دیتے ہوئے 3 رافیل طیاروں سمیت بھارت کے 5 طیاروں اور مقبوضہ کشمیر میں کئی بھارتی چیک پوسٹوں کو تباہ کرچکی ہے۔