سیاسی و مذہبی جماعتوں کے رہنمائوں نے پاکستان بھارت کے درمیان سیز فائر ہونے پرافواج پاکستنان، آرمی چیف جنرل سید عااصم منیر سمیت پوری قوم کو مبارکباد کی ہے۔

اللہ نے پاکستان کو سر بلند کردیا، نوازشریف

مسلم لیگ ن کے صدر نواز شریف نے کہاہے اللہ رب العزت کاشکراس نے پاکستان کوسربلندکردیا۔

انہوں نے اپنے بیان میں کہ  میں وزیراعظم شہباز شریف ،آرمی چیف جنرل سید عاصم منیر،ایئرچیف،افواج پاکستان کوشاباش اور مبارکباددیتاہوں۔

نواز شریف نے مزید کہ پاکستان امن پسن دملک ہے لیکن قومی سلامتی پر کوئی سمجھوتہ ممکن نہیں۔

انہوں نے کہاکہ پاکستان امن کوترجیح دیتاہےلیکن اپنادفاع کرنابھی جانتاہے۔

بھرپور جوابی کارروائی پر بھارت بات چیت کوراضی ہوگیا،بلاول

چیئرمین پیپلزپارٹی بلاول بھٹو نے کہاکہ  پاک فوج کی بہادری اورقربانی کوسلام پیش کرتاہوں،پوری قوم کوبھی مبارکباداورسلام پیش کرتاہوں کہ بھارتی جارحیت کامقابلہ کیا۔

انہوں نے کہاکہ بھارت کوجس طرح جواب دیاہے پاک فوج کوسلام پیش کرتاہوں،ہم نے جوابی آپریشن کیا تو 24گھنٹے سے پہلے بھارت بھی بات چیت کیلئےتیارہوگیا

بلاول نے کہاکہ پاکستان نےواضح کہاتھاجب ہم جواب دینگےتودنیادیکھےگی اوراس کی گونج ہوگی اور یہ  گونج ایسی تھی کہ بھارت بات چیت کیلئےتیارہوگیا۔

پاک فوج نے شہریوں کی شہادت کابدلہ لے لیا،وزیراعظم آزاد کشمیر

وزیراعظم آزادجموں و کشمیر چوہدری انوارالحق کہاکہ آرمی چیف جنرل سید عاصم منیر کو سلام پیش کرتے ہیں ۔

انہوں نے کہاکہ پاک فوج کے سربراہ نے اپنا قول سچ کر دکھایا کشمیر پر تین جنگیں لڑی ہیں سات اور لڑیں گے ۔

چوہدری انوارالحق نے کہاکہ پاک فوج نے بے گناہ شہریوں کی شہادت کا بدلہ لے لیا۔

ہر بار بھارت کی من مانی نہیں چلے گی، شیری رحمان

پی پی رہنماسینیٹر شیری رحمان نے کہاہے کہ قومی قیادت مبارکباد کی مستحق ہے،ہربار بھارت کی من مانی نہیں چلے گی۔

انہوں نے کہاکہ آگے بھی ایسا ہوکہ  خطے کے امن کو نقصان نہ پہنچے، ایسا ہو کہ بھارت بغیرثبو ت پاکستان پر الزام نہ لگائے۔

شیری رحمان نے کہاکہ بھارتی میڈیا کی طوفا ن بدتمیزی پر بھی بات کرنےکی ضرورت ہے،انہوں نے پاکستانی میڈیا کوبھی مبارکباد کہ بہت ذمہ داری کامظاہرہ کیا۔

پاکستان جیت گیا! الحمدُ للّٰہ ، مریم نواز، ایکس پر پیغام

وزیراعلیٰ پنجاب مریم  نواز نے کہاہے کہ وزیراعظم شہباز شریف، سپہ سالار جنرل سید عاصم منیر، افواج پاکستان اورنواز شریف نے قوم کا سر فخر سے بلند کر دیا۔

ایکس پر اپنے پیغام میں انہوں نے کہاکہ  دنیا کو سمجھا دیا کہ پاکستان کا دفاع ناقابل تسخیر ہے، پاکستان محفوظ اور محب وطن ہاتھوں میں ہے۔