بجٹ سازی پر مشاورت: پاکستان اور آئی ایم ایف کے درمیان ورچوئل مذاکرات طے

عمر حیات خان

14th May, 2025. 10:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بجٹ سازی پر مشاورت: پاکستان اور آئی ایم ایف کے درمیان ورچوئل مذاکرات طے

حکومت کے بجٹ اہداف پر آئی ایم ایف کا اعتراض

اسلام آباد: عالمی مالیاتی فنڈ (آئی ایم ایف) کا وفد بجٹ تیاری کے سلسلے میں طے شدہ شیڈول کے مطابق پاکستان نہ پہنچ سکا، جس کے باعث مذاکرات اب ورچوئل (آن لائن) ہوں گے۔

ذرائع کے مطابق آئندہ مالی سال کے بجٹ کی تیاری کے سلسلے میں پاکستان اور انٹرنیشنل مانیٹری فنڈ (آئی ایم ایف) کے درمیان مذاکرات رواں ہفتے ورچوئل (آن لائن) ہوں گے جبکہ آئی ایم ایف کا وفد آئندہ ہفتے پاکستان کا دورہ کرنے کا امکان ہے۔

ذرائع نے بتایا کہ حکومت پاکستان اور آئی ایم ایف کے درمیان بجٹ پر بات چیت کا آغاز کل سے ہونا تھا، تاہم اب ابتدائی مذاکرات ورچوئل فارمیٹ میں کیے جا رہے ہیں، ان مذاکرات میں پاکستان کی معاشی ٹیم بجٹ تجاویز آئی ایم ایف کے ساتھ شیئر کرے گی۔

مزید پڑھیں: بجٹ سے پہلے بڑا جھٹکا، آئی ایم ایف وفد پاکستان نہ پہنچ سکا

معاشی ٹیم نے آئی ایم ایف کو بریفنگ دینے کے لیے تمام تیاری مکمل کر لی ہے، آن لائن اجلاسوں میں وزارتِ خزانہ اور فیڈرل بورڈ آف ریونیو (ایف بی آر) کے اعلیٰ حکام شرکت کریں گے، جبکہ آئی ایم ایف وفد ان تجاویز اور بجٹ تیاری کے عمل کا جائزہ لے گا۔

ذرائع کا کہنا ہے کہ آن لائن مذاکرات کے بعد آئی ایم ایف وفد کا پاکستان آمد کا امکان ہے، جس میں بجٹ کی تفصیلات اور اہداف پر براہِ راست بات چیت کی جائے گی۔