آئی ایم ایف نے پاکستان کی بجٹ ترجیحات کو درست قرار دے دیا۔ پاکستان اور آئی ایم ایف کے درمیان بجٹ مذاکرات میں بڑی پیش رفت ہوئی ہے۔

بجٹ 2 جون کو پیش ہوگا

ذرائع کے مطابق بجٹ میں تاخیر نہیں ہوگی، بجٹ 2 جون کو پیش ہوگا۔ عیدالاضحی کے بعد 13 جون کو بجٹ پیش ہونے کے خدشات ختم ہوگئے۔ قومی اقتصادی سروے یکم جون کو پیش ہوگا۔

منصوبہ بندی کوآرڈینیشن کمیٹی کا اجلاس  26 مئی کوہوگا

ذرائع وزارت خزانہ کے مطابق سالانہ منصوبہ بندی کوآرڈینیشن کمیٹی کا اجلاس  26 مئی کو ہوگا۔ قومی اقتصادی کونسل این ای سی کا اجلاس  31 مئی کو بلائے جانے کا امکان ہے۔

چاروں وزرائے اعلیٰ اقتصادی کونسل کے اجلاس میں شرکت کرینگے

وزیراعظم شہباز شریف قومی اقتصادی کونسل اجلاس کی صدارت کریں گے۔ وزیراعلی پنجاب مریم نواز شریف اجلاس میں شریک ہوں گی۔ دیگرتینوں صوبوں کے وزرائے اعلیٰ بھی اجلاس میں شریک ہوںگے۔

ذرائع کے مطابق سالانہ منصوبہ بندی کوآرڈینیشن کمیٹی بجٹ کے سالانہ اہداف کو طے کرے گی۔  وزیرخزانہ محمد اورنگزیب 2 جون کو قومی اسمبلی میں بجٹ پیش کریں گے۔

وفاق کا بجٹ 20 ہزار ارب روپے کے لگ بھگ ہوسکتا ہے

دریں اثنا ذرائع کا کہناہے کہ  وفاق کا بجٹ 20 ہزار ارب روپے کے لگ بھگ ہوسکتا ہے۔  آئی ایم ایف نے حکومت کی بجٹ تجاویز سے اتفاق کرلیا ہے۔

مزید یہ کہ  آئی ایم ایف ترقیاتی اورغیر ترقیاتی اخراجات کے بیشتر تخمینوں سے متفق  ہیں ۔ آئی ایم ایف فیڈرل بورڈ آف ریوینیو کے ٹیکس آمدن اہداف پر مطمئن ہوگیا۔

علاوہ ازیں ذرائع کے مطابق آئی ایم ایف سبسڈیز،سرکلر ڈیٹ اور قرضوں کی ادائیگیوں سے متعلق امور پر بھی راضی ہے۔

تمام خبریں اور اندازے غلط ثابت 

خلاصہ یہ کہ بجٹ میں تاخیر کے حوالے سے تمام خبریں دم توڑ گئیں۔  اب بجٹ وقت پرپیش کیا جاسکے گا۔