ای آفس / فوٹو
وزارت آئی ٹی نے تمام وزارتوں کے ماتحت محکموں سے ای آفس کے قیام کی رپورٹ طلب کر لی۔ وفاقی وزارتوں، ماتحت محکموں اورریگولیٹری اتھارٹیز کو ای آفس کے 100 فیصد نفاذ کی ہدایت کی گئی ہے۔
سرکاری اداروں کو3روز میں تصدیقی سرٹیفکیٹ جمع کروانے کی ہدایت کی گئی ہے ۔ کابینہ ڈویژن نے وفاقی وزارتوں کے ماتحت محکموں کو مراسلہ جاری کردیا۔
مراسلے میں کہاگیاہے کہ وزارت آئی ٹی نے مشترکہ عملدرآمد رپورٹ وزیرِ اعظم آفس کو بھیجنی ہے۔ 14 اگست کو ای آفس قائم کرنیوالے3 بہترین اداروں کا انتخاب کیا جائے گا۔
وزارتوں کے ماتحت محکموں کو دستخط شدہ سرٹیفکیٹ فوری فراہم کرنے کی ہدایت کی گئی ہے ۔ وفاقی کابینہ نے ای آفس نفاذ کی آخری تاریخ 31 دسمبر 2024 رکھی ہے۔ وزارت آئی ٹی ای آفس سسٹم کی سائبر سیکیورٹی یقینی بنائے گی۔
وزارتوں کے ایڈمنسٹریٹو سیکریٹریز کو ماتحت محکموں میں ای آفس کے نفاذ کی ہدایت کی ہے۔ ای آفس نفاذ سے دفتری شفافیت اور کارکردگی میں اضافہ ہو گا۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
