ہفتہ وار بنیادوں پر مہنگائی کی شرح میں کمی ریکارڈ

ویب ڈیسک

23rd May, 2025. 04:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہفتہ وار بنیادوں پر مہنگائی کی شرح میں کمی ریکارڈ

ہفتہ وار بنیادوں پر ملک میں مہنگائی کی شرح میں 0 اعشاریہ 29 فیصد کی کمی ریکارڈ کی گئی ہے۔

ادارہ شماریات نے ہفتہ وار بنیادوں پر مہنگائی سے متعلق رپورٹ جاری کر دی ہے جس کے مطابق ملک میں مہنگائی کی شرح میں 0 اعشاریہ 29 فیصد کی کمی ریکارڈ کی گئی ہے۔

رپورٹ میں بتایا گیا ہے کہ ملک میں مہنگائی بڑھنے کی مجموعی شرح 1 اعشاریہ 35 فیصد کی سطح پر آگئی ہے، جبکہ ایک ہفتے کے دوران 13 اشیاء مہنگی، 14 کی قیمتیں کم ہوئیں۔

مہنگی ہونے والی اشیاء

رپورٹ کے مطابق ایک ہفتے کے دوران ٹماٹر فی کلو 5 روپے 23 پیسے، انڈے فی درجن 23 روپے 56 پیسے مہنگے ہوئے۔

ایک ہفتے کے دوران گڑ فی کلو 3 روپے 27 پیسے، جبکہ کیلے فی درجن 1 روپے 75 پیسے مہنگے ہوئے، اس کے علاوہ دال مونگ،گندم کا آٹا، چنے، بچوں کا خشک دودھ بھی مہنگی ہونے والی اشیاء میں شامل ہیں۔

یہ بھی پڑھیں: اپریل 2025 میں تجارتی خسارے میں 55 فیصد اضافہ، ادارہ شماریات

سستنی ہونے والی اشیاء

ایک ہفتے کے دوران زندہ مرغی فی کلو 36 روپے 49 پیسے سستی، جبکہ پیاز فی کلو 2 روپے 51 پیسے سستے ہوئے۔

ایک ہفتے کے دوران لہسن کی فی کلو قیمت میں 9 روپے 99 پیسے کمی ہوئی، اس کے علاوہ ڈیزل، دال مسور، چاول، جلانے کی لکڑی، چینی بھی سستی ہونے والی اشیاء شامل ہیں۔

رپورٹ کے مطابق بریڈ، تازہ دودھ، دہی، نمک، سگریٹ سمیت 24 اشیاء کی قیمتیں مستحکم بھی رہیں۔