2025 کی تیسری قومی پولیو مہم کا باضابطہ آغاز کر دیا گیا

سلمان علی اعوان

25th May, 2025. 01:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

2025 کی تیسری قومی پولیو مہم کا باضابطہ آغاز کر دیا گیا

وفاقی حکومت کی جانب سے 2025 کی تیسری قومی پولیو مہم کا باضابطہ آغاز کر دیا گیا ہے۔

وزیرِاعظم کی فوکل پرسن برائے انسدادِ پولیو عائشہ رضا فاروق نے بچوں کو پولیو کے قطرے پلا کر مہم کا افتتاح کیا۔ قومی پولیو مہم 26 مئی سے 1 جون تک جاری رہے گی۔

نیشنل ای او سی کے مطابق مہم کا مقصد پاکستان سے پولیو وائرس کے مکمل خاتمے کا ہدف حاصل کرنا ہے، جس کے لیے 4 کروڑ 50 لاکھ سے زائد بچوں کو پولیو قطرے پلانے کا ہدف مقرر کیا گیا ہے۔

نیشنل ای او سی حکام کا کہنا ہے کہ پولیو مہم پاکستان اور افغانستان میں بیک وقت منعقد کی جا رہی ہے، سرحدی علاقوں اور خانہ بدوش آبادیوں پر خصوصی توجہ مرکوز کی جا رہی ہے۔

وزیرِاعظم کی فوکل پرسن برائے انسدادِ پولیو عائشہ رضا فاروق نے افتتاحی تقریب سے خطاب کرتے ہوئے کہا کہ پولیو کا خاتمہ قومی ترجیح اور اجتماعی ذمہ داری ہے، مہمات کا تسلسل قوتِ مدافعت بڑھانے اور وائرس کی روک تھام کے لیے ضروری ہے۔

انھوں نے کہا کہ والدین اپنے بچوں کو پولیو ویکسین کے ساتھ ساتھ وٹامن اے کی اضافی خوراک بھی لازمی دیں،

افتتاحی تقریب میں بین الاقوامی شراکت داروں کے نمائندگان اور نیشنل ای او سی کی اعلیٰ قیادت نے شرکت کی۔