کراچی سے لاہور جانے والی پرواز میں شدید طوفانی حالات کے باعث پیش آنے والے خوفناک واقعے میں سوار پاکستان کے معروف اداکار عدنان صدیقی نے اپنے انسٹاگرام پر اپنی ذہنی کیفیت اور خوفناک تجربے کو انتہائی جذباتی انداز میں شیئر کیا ہے۔

24 مئی کو کراچی سے روانہ ہونے والی اس پرواز میں سابق وفاقی وزیر اسد عمر سمیت متعدد مسافر بھی موجود تھے، تاہم اس حوالے سے عدنان صدیقی نے اپنے انسٹاگرام پوسٹ میں لکھا کہ معمول کے اس سفر نے اچانک ایک ایسا موڑ لیا جہاں زندگی اور موت کے درمیان کھڑے ہو کر اپنی بے بسی کا احساس کر رہا تھا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Adnan Siddiqui (@adnansid1)

Advertisement

انہوں نے بتایا کہ طیارے کو شدید جھٹکے لگنے کے دوران مسافروں میں خوف کی لہر دوڑ گئی اور کئی لوگ چیخ رہے تھے، اکثر مسافروں کی آنکھوں میں آنسو تھے اور وہ ایک دوسرے کو تھامے ہوئے تھے۔ میں نے اس لمحے ایک الوداعی پیغام فون پر لکھا تھا، جسے میں نے لینڈنگ کے بعد ڈیلیٹ کر دیا، مگر وہ الفاظ میرے دل کی گہرائیوں سے نکلے تھے۔

عدنان صدیقی نے پائلٹ کی شاندار مہارت کو بھی سراہتے ہوئے کہا کہ جب جہاز زمین کو چھو رہا تھا تو اچانک ایک تیز جھٹکے کے ساتھ پھر سے آسمان کی طرف بلند ہو گیا، کپتان کی فوری اور ذہین فیصلہ سازی قابل تحسین ہے۔

مزید پڑھیں: عدنان صدیقی جوانی سے زیادہ اب ہینڈسم نظر آتے ہیں

اداکار نے اپنے اس خوفناک تجربے کو زندگی کا ایک قیمتی درس قرار دیتے ہوئے کہا کہ یہ پرواز کا اختتام نہیں بلکہ اللہ کا کرم تھا۔ زندگی نازک، مختصر اور انتہائی قیمتی ہے، اپنے پیاروں کے قریب رہیں اور ہر لمحے کو اہمیت دیں۔

واضح رہے کہ 24 مئی کو کراچی سے لاہور پہنچنے والی پرواز شدید طوفان کے باعث خوفناک حادثے سے بال بال بچ گئی تھی۔