قومی کرکٹ ٹیم کا ٹی 20 سیریز کیلیے 3 گھنٹے پریکٹس سیشن، وڈیو دیکھیں

ویب ڈیسک

27th May, 2025. 11:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قومی کرکٹ ٹیم کا ٹی 20 سیریز کیلیے 3 گھنٹے پریکٹس سیشن، وڈیو دیکھیں

پاکستان کرکٹ ٹیم نے بنگلہ دیش کے خلاف تین میچز پر مشتمل ٹی ٹونٹی سیریز سے قبل قذافی کرکٹ سٹیڈیم میں تین گھنٹے تک بھرپور پریکٹس سیشن کا انعقاد کیا۔

قومی کھلاڑیوں نے اپنے کوچز کی نگرانی میں بیٹنگ، باؤلنگ اور فیلڈنگ کی پریکٹس کی، جس میں تمام کھلاڑیوں کی مہارتوں کو بہتر بنانے پر زور دیا گیا۔

پریکٹس سیشن کا آغاز کھلاڑیوں کے وارم اپ سے ہوا، جس کے بعد قومی ٹیم نے نیٹ پریکٹس میں بھرپور مشقیں کیں۔

بیٹرز نے خاص طور پر پاور ہٹنگ پر توجہ مرکوز کی اور مختلف باؤلرز کے خلاف اپنی صلاحیتوں کو آزمائش میں ڈالا۔

ساتھ ہی کوچز نے باؤلرز کو بھی بیٹنگ کی پریکٹس کروائی تاکہ وہ مستقبل میں میچ کے دوران کم سے کم گیندیں ضائع کریں۔

پاکستان کرکٹ بورڈ (پی سی بی) نے وسیم جونئیر کی انجری کے باعث ٹی ٹونٹی سیریز سے باہر ہونے پر عباس آفریدی کو ٹیم میں شامل کیا ہے۔

پاکستان اور بنگلہ دیش کے درمیان تین میچز پر مشتمل ٹی ٹونٹی سیریز 28 مئی سے شروع ہو گی۔