وزیراعظم شہباز شریف نے کہاہے کہ آزربائیجان،ترکیہ اور پاکستان تین قلب یک جان بردار ممالک ہیں۔ انہوں نے کہا کہ کڑے وقت میں ترکیہ اورآزربائیجان جیسے دوست ممالک کی حمایت پاکستان کااثاثہ ہے۔

آزربائیجان کی یوم آزادی کی تقریب سے خطاب کرتے ہوئے انہوں نے آزربائیجان کے حکمرانوں اورعوام کو مبارکباددی۔

شہبازشریف نے کہاکہ ہمارے دل ترکیہ اورآزر بائیجان کے عوام کے دلوں کے ساتھ ڈھڑکتے ہیں ۔ انہوں نے تینوں ممالک کو تین قلب ایک جان قراردیا۔

انہوں نے کہاکہ بھارتی جارحیت کا پاکستان نے انتہائی موثر جواب دیا اور انکے 4رافیل سمیت 6 طیارے مارگرائے۔

مزید پڑھیں : دشمن کو اسی زبان میں جواب دیا جو وہ سمجھتاہے، وزیراعظم شہبازشریف

وزیراعظم نے کہاکہ بھارت نے بغیرثبوت کے پہلگام واقعے کاالزام پاکستان پرلگادیا۔ وزیراعظم نے کہاکہ بھارت نے جارحیت کا جواز پیدا کرنے کےلئے یہ کھیل کھیلا۔

انہوں نے کہاکہ  بھارت نے پاکستان پربزدلانہ حملہ کرکے 33 پاکستانی شہریوں کوشہید کیا۔ جن میں خواتین ،بزرگ اوربچے بھی شامل تھے۔

انہوں نے کہا جس طرح 28 مئی آزرعوام کے لئے یوم آزدی ہے اسی طرح یہ دن پاکستان کیلئے بھی اہم ہے۔ وزیراعظم نے بردار ممالک کو یاد دلایاکہ پاکستان نے آج ہی کے دن ایٹمی طاقت حاصل کی تھی۔

وزیراعظم نے اپنے خطاب میں مظلوم کشمیری عوام سے یکجہتی کااظہارکیا۔ اس موقع پر انہوں نے مسئلہ فلسطین کو بھی اجاگر کیا۔

تقریب میں فیلڈ مارشل عاصم منیر کو خراج تحسین پیش کیاگیا

وزیراعظم شہبازشریف نے معرکہ حق کی کامیابی کامکمل سہرافیلڈ مارشل عاصم منیر کودیااورخراج تحسین پیش کیا۔

اس موقع پرتقریب میں موجود شرکانے بھی فیلڈ مارشل سید عاصم منیر کوبھرپورتالیاں بجا کر خراج تحسین پیش کیا۔

رجب طیب اردوان نے  آزربائیجان، ترکیہ اور پاکستان کو برادر ممالک قراردیدیا

دریں اثنا ترک صدر رجب طیب اردوان نے تقریب سے خطاب کرتے ہوئے تینوں ممالک کو برادر ممالک قراردیا۔ انہوں نے آزر عوام کو یوم آزادی کی مبارکباد پیش کی۔

رجب طیب اردوان نے کہ تینوں برادر ممالک مشکل ایک دوسرے ساتھ اتحاد کے ساتھ کھڑے رہیں گے۔

صدر آزربائیجان الہام علیوف کا مہمانوں سے اظہارتشکر

علاوہ ازیں صدر آذر بائیجان الہام علیوف نے مہمانوں کو خوش آمدید کہا ۔ انہوں نے  ترک صدر  اور وزیراعظم شہباز شریف  کو تقریب میں شرکت پر ان کا شکریہ ادا کیا۔

صدر آزربائیجان الہام علیوف نے کہاکہ پاکستان اور ترکیہ نے ہمیشہ ہمارے اصولی موقف کی حمایت کی۔ ان کا کہناتھاکہ ہم ترکیہ اور پاکستان کے ساتھ کھڑے ہیں۔

واضح رہے کہ وزیراعظم شہبازشریف اس وقت دورے پر آزر بائیجان میں موجود ہیں۔ فیلڈ مارشل سید عاصم منیر بھی ان کے ہمراہ ہیں۔

مزید براں یوم آزادی کی تقریب میں ترکیہ اور پاکستان کے قومی ترانے بھی بجائے گئے۔