فیلڈمارشل سید عاصم منیرکہاہے کہ ہندوستان جان لے کہ پاکستان کشمیر کو کبھی نہیں چھوڑے گا۔ انہوں نے کہاکہ کشمیر کا کوئی بھی  سوداممکن نہیں ،ہم کبھی بھی کشمیر کو نہیں بھول سکتے۔

انہوں نے کہاکہ پانی پاکستان کی ریڈ لائن ہے اور24 کروڑ پاکستانیوں کے اس بنیادی حق پر آنچ نہیں آنے دیں گے۔

فیلڈ مارشل نے کہاکہ پاکستان، ہندوستان کی اجارہ داری کبھی قبول نہیں کرے گا۔ ان کا کہناتھاہندوستان نے کئی دہائیوں سے کشمیر کے مسئلے کو دبانے کی کوشش کی مگر وہ ناکام ہو چکا.

نشانِ امتیاز(ملٹری) فیلڈمارشل سیدعاصم منیرجامعات کے وائس چانسلرز،پرنسیپلزاوراساتذہ کرام سے بات کررہے تھے۔

انہوں نے کہاکہ اساتذہ  کرام بڑاملکی سرمایہ ہیں،جوکچھ  ہوں،والدین اوراساتذہ کی وجہ سے ہوں۔

فیلڈ مارشل نے کہاکہ پاکستان کی اگلی نسلوں کی کردار سازی اساتذہ کرام کی ذمہ داری ہے۔ ان کاکہناتھاکہ آپ(اساتذہ) نے پاکستان کی کہانی اپنی اگلی نسلوں کو بتانی ہے۔

 فیلڈ مارشل سیدعاصم منیرنے کہامعرکہ حق میں اللہ تعالیٰ نے ہر طرح سے پاکستان کی مددکی۔

انہوں نے کہاکہ معرکہ حق اس بات کا ثبوت ہے کہ جب قوم آہنی دیوار بن جائے توکوئی طاقت اُسے گرا نہیں سکتی۔

ان کامزید کہناتھاکہ دہشت گردی ہندوستان کا اندرونی مسئلہ ہے۔ جس کی بنیادی وجہ اقلیتوں بالخصوص مسلمانوں پر بڑھتا ہوا ظلم اور تعصب پسندی ہے۔

بلوچستان میں دہشت گرد فتنہ الہندوستان ہیں، ان کا بلوچوں سے کوئی تعلق نہیں

فیلڈمارشل نے کہاکہ بلوچستان میں دہشت گرد فتنہ الہندوستان ہیں، ان کا بلوچوں سے کوئی تعلق نہیں۔

سیدعاصم منیر نے کہاکہ ہم نے پاکستان کومضبوط ریاست بنانا ہے۔  ان کاکہناتھاکہ عوام کی فلاح و بہبود کے لئے کام کریں۔

انہوں نے کہاکہ جو کوئی بھی ریاست کوکمزور بنانے کا بیانیہ بنانے کی کوشش کرے اُس کی نفی کریں.

اس موقع پر شرکاکاکہناتھاکہ یہ جو محفوظ دھرتی ہے ، اس کے پیچھے وردی ہے ۔ ہمیں پاکستان اور اپنی مسلح افواج پر فخر ہے اور ہم ان کے شانہ بشانہ کھڑے رہیں گے۔