امریکی محکمہ انصاف نے اڈانی گروپ کی ایرانی پیٹروکیمیکل مصنوعات کی درآمد پر تحقیقات کا آغاز کریا ہے۔

دی وال اسٹریٹ جرنل کی رپورٹ کے مطابق اڈانی گروپ پر ایران سے ایل پی جی درآمد کرنے کا الزام ہے۔

رپورٹ میں کہا گیا کہ اڈانی گروپ نے امریکی پابندیوں کی خلاف ورزی کرتے ہوئے ایرانی کمپنی سے کروڑوں ڈالرز کی ایل پی جی خرید کر بھارت درآمد کی۔

رپورٹ میں کہا گیا کہ امریکی بینک Wells Fargo نے اڈانی کی ایران ڈیل پر انہی خدشات کے باعث ٹرانزیکشنز بند کر دیں ہیں، جبکہ امریکی تحقیقاتی ادارے فیکٹ فوکس نے اڈانی کے ایران کے ساتھ خفیہ کاروبار کی تصدیق کر دی ہے۔

یہ بھی پڑھیں: اڈانی گروپ کی کرپشن کا پردہ چاک کرنے والی ہنڈ نبرگ ریسرچ تنظیم کو بھی مودی سرکار نے خاموش کرا دیا

مودی سرکار نے اڈانی گروپ پر ایران سے درآمدات کے الزام میں کوئی کارروائی نہ کر کے دوست نوازی ثابت کی، جبکہ دوسری جانب اڈانی گروپ نے ایرانی کوئلہ درآمد کر کے عالمی قوانین اور امریکی پابندیوں کی دھجیاں اڑا دیں۔

واضح رہے کہ اس قبلHindenburg کی تحقیقی رپورٹ میں اڈانی پر سیکیورٹیز فراڈ اور اسٹاک مارکیٹ میں ہیرا پھیری کے سنگین الزامات بھی عائد کیے تھے، تاہم مودی سرکار نے اڈانی پر لگے کرپشن الزامات پر پردہ ڈالنے کی بھرپور کوشش کی ہے۔

عالمی میڈیا نے مودی اور اڈانی کے گٹھ جوڑ کو بھارت کی جمہوریت کے لیے خطرہ قرار دیا ہے، جبکہ مودی کے اقتدار میں اڈانی کی دولت میں غیرمعمولی اضافہ سامنے آیا جس پر خود بھارتی اپوزیشن نے سوال اٹھائے۔