چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے کہا ہے کہ حالیہ پاک بھارت جنگ میں پاک فوج نے چینی ساختہ ہتھیار استعمال کیے، ان ہتھیاروں نے فتح میں اہم کردار ادا کیا ہے۔

انھوں نے کہا کہ چین کے تعاون سے تیار کردہ جدید ہتھیاروں جیسے جے ایف سیونٹین، جے ٹین سی اور پی ایل ففٹین نے حالیہ جنگ میں اہم کردار ادا کیا۔

جنرل ساحر شمشاد مرزا نے مزید کہا کہ پاکستان اور چین کی دوستی پہاڑوں سے بلند، سمندر سے گہری اور فولاد سے زیادہ مضبوط ہے۔ انہوں نے کہا کہ دونوں ممالک کی اس پائیدار اور مضبوط دوستی نے ہمیشہ ہمارے جنگی آپریشنز اور دفاعی تعاون کو مستحکم رکھا ہے۔

مزید پڑھیں: پانی پرجنگ چھڑی تو پورا خطہ اس کی لپیٹ میں آجائےگا،جنرل ساحرشمشادمرزا

انھوں نے مزید کہا کہ چین کے تعاون سے تیار کردہ جدید ہتھیاروں جیسے جے ایف سیونٹین، جے ٹین سی اور پی ایل ففٹین نے حالیہ جنگ میں اہم کردار ادا کیا۔ ان ہتھیاروں کی مدد سے پاکستان نے بھارتی فضائیہ کے چھ طیارے گرا کر اپنی فضائی برتری کو واضح کیا۔

جنرل ساحر ششمشاد نے کہا کہ ہم نے جے ایف 17 اور جے ٹین سی طیارے اڑائے، ہم نے جدید جنگی آلات کا استعمال کیا، اور ان سب کو ہم آہنگ کرکے اپنی برتری کو مزید مستحکم کیا۔ ہم نے AI، AW سائیبر، ایئرکرافٹ، میزائل سمیت مختلف ہتھیاروں کو مشترکہ طور پر استعمال کیا اور اس کی مدد سے نتائج حاصل کیے۔”

انہوں نے کہا کہ پاکستان اور چین کے درمیان دفاعی تعلقات نے ہماری فوج کو ہر سطح پر کامیاب آپریشنز کرنے کی صلاحیت دی ہے۔