لندن میں بلاول بھٹو کی جانب سے نواز شریف کو پھولوں کا تحفہ

ویب ڈیسک

11th Jun, 2025. 10:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لندن میں بلاول بھٹو کی جانب سے نواز شریف کو پھولوں کا تحفہ

پاکستان پیپلزپارٹی کے چیئرمین اور اعلیٰ سطحی پارلیمانی وفد کے سربراہ بلاول بھٹو زرداری نے لندن میں سابق وزیراعظم نواز شریف کے لیے نیک تمناؤں کے ساتھ پھولوں کا تحفہ بھجوایا۔

یہ اقدام ان کی برطانیہ سے یورپ روانگی سے قبل کیا گیا۔

پاکستان ہائی کمیشن کے عملے نے بلاول بھٹو کی جانب سے یہ پھول ایون فیلڈ ہاؤس پہنچائے، جہاں سابق وزیراعظم نواز شریف مقیم ہیں۔ بلاول بھٹو نے نواز شریف کی صحت و سلامتی کے لیے نیک خواہشات کا اظہار بھی کیا۔

بلاول بھٹو نے لندن میں تین روزہ قیام کے دوران برطانوی پارلیمنٹ، تھنک ٹینکس، میڈیا اداروں اور برطانوی دفتر خارجہ کا دورہ کیا۔

اس دوران انہوں نے پاکستان ہاؤس اور پاکستان ہائی کمیشن میں بھی مختلف ملاقاتیں کیں۔

ذرائع کے مطابق، بلاول بھٹو زرداری اور نواز شریف کے درمیان ملاقات کی توقع تھی، تاہم مصروفیات کے باعث یہ ممکن نہ ہو سکی۔ بلاول نے روانگی سے قبل پھول بھجوا کر تعلقات کا خوشگوار پیغام دیا۔

یاد رہے کہ بلاول بھٹو ان دنوں یورپی یونین کے دورے پر اعلیٰ سطحی پاکستانی وفد کی قیادت کر رہے ہیں، جس کا مقصد عالمی فورمز پر پاکستان کا مؤقف اجاگر کرنا ہے۔