امریکی صدر ڈونلڈ ٹرمپ نے ایران کو دھمکی دیتے ہوئے کہا ہے کہ اگر ایٹمی معاہدہ نہ کیا تو مزید تباہ کن حملے ہوں گے۔

صدر ڈونلڈ ٹرمپ نے ایران کو خبردار کرتے ہوئے کہا کہ ایران کو ایک کے بعد ایک موقع دیا گیا، مگر اگر اب بھی ایٹمی معاہدے کی طرف پیش قدمی نہ کی گئی تو آئندہ حملے مزید شدید اور تباہ کن ہو سکتے ہیں۔

انہوں نے کہا کہ ایران کو چاہیے کہ وہ صورتحال کو مزید بگڑنے سے پہلے مذاکرات کی میز پر آئے اور معاہدے کو انجام تک پہنچائے، اس سے پہلے کہ کچھ باقی نہ بچے، ایران کو فیصلہ کرنا ہوگا۔

ٹرمپ نے واضح کیا کہ اگر ایران نے جوہری معاہدے پر پیش رفت نہ کی تو امریکا کی جانب سے مزید سخت اور خطرناک فوجی کارروائیوں کا سامنا کرنا پڑ سکتا ہے۔

امریکی صدر نے ایران کو دھمکی دیتے ہوئے کہا کہ ایرانی قیادت کو علم نہیں کہ ان کے ساتھ کیا ہونے والا ہے، ایران کی موجودہ قیادت کا خاتمہ ہو چکا اور اب صورتحال مزید بدتر ہوگی۔

ٹرمپ نے دعویٰ کیا کہ حالیہ حملوں کے نتیجے میں بڑی تعداد میں ہلاکتیں اور شدید تباہی ہوچکی ہے، ہلاکتوں کو روکنے کے لیے ابھی بھی وقت ہے۔

انہوں نے کہا کہ اگلا حملہ پہلے سے زیادہ شدید اور خوفناک ہوگا اور اس کی مکمل منصوبہ بندی کی جا چکی ہے۔

امریکی صدر نے ایرانی رہنماؤں کو خبردار کیا کہ انہیں اپنی حکمتِ عملی پر نظر ثانی کرنی چاہیے اور اُس ایران کو بچانا چاہیے، جو کسی وقت “سلطنتِ ایران” کہلاتا تھا۔