برطانیہ کا مشرق وسطیٰ میں فوجی تعیناتی بڑھانے کا اعلان

ویب ڈیسک

15th Jun, 2025. 10:49 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانیہ کا مشرق وسطیٰ میں فوجی تعیناتی بڑھانے کا اعلان

لندن: برطانوی وزیراعظم کیئراسٹارمر نے اعلان کیا ہے کہ برطانیہ علاقائی سیکیورٹی کو تقویت دینے کے لیے مشرق وسطیٰ میں اپنے لڑاکا طیارے اور دیگر فوجی سازوسامان منتقل کر رہا ہے۔

غیرملکی خبر رساں ادارے رائٹرز کے مطابق وزیراعظم اسٹارمر نے کینیڈا روانگی سے قبل صحافیوں سے گفتگو کرتے ہوئے کہا کہ برطانیہ خطے میں استحکام کے لیے اپنا تعاون فراہم کر رہا ہے، جس کے تحت ہم لڑاکا طیارے اور دیگر دفاعی وسائل مشرق وسطیٰ بھیج رہے ہیں۔

وزیراعظم کے ترجمان کے مطابق جمعہ کی صبح ہی یہ فیصلہ کر لیا گیا تھا، جب یہ واضح ہو گیا کہ مشرق وسطیٰ میں صورتحال سنگین رخ اختیار کر چکی ہے۔

مزید پڑھیں: امریکی صدر نے دورہ مشرق وسطیٰ سے متعلق بڑا بیان دے دیا

انہوں نے بتایا کہ برطانوی بیسز سے طیاروں کی ایندھن بھرائی سمیت دیگر تیاریوں کا عمل تیز کر دیا گیا ہے اور مزید طیارے جلد روانہ کیے جائیں گے۔

واضح رہے کہ برطانوی جنگی طیارے پہلے ہی مشرق وسطیٰ میں موجود ہیں، جو عراق اور شام میں موجود ممکنہ خطرات سے نمٹنے کے لیے جاری ایک عسکری آپریشن کا حصہ ہیں۔

یہ پیش رفت ایک ایسے وقت میں سامنے آئی ہے جب حالیہ دنوں میں اسرائیلی حملوں کے بعد ایران نے بھی جوابی کارروائی کی ہے، جس کے نتیجے میں کئی ایرانی فوجی کمانڈرز، سائنس دان اور عام شہری شہید ہوچکے ہیں۔