وزیراعظم اور ایرانی صدر کے درمیان ٹیلیفونک رابطہ، امریکی حملوں کی مذمت

ویب ڈیسک

22nd Jun, 2025. 05:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم اور ایرانی صدر کے درمیان ٹیلیفونک رابطہ، امریکی حملوں کی مذمت

وزیراعظم پاکستان شہبازشریف اور ایران کے صدر مسعود پزشکیان کے درمیان ٹیلیفونک رابطہ ہوا جس میں وزیراعظم نے ایران پر امریکی حملوں کی شدید مذمت کی۔

وزیراعظم نے قیمتی جانوں کے ضیاع پر گہرے دکھ کا اظہار کرتے ہوئے زخمیوں کی جلد صحت یابی کی دعا کی۔

وزیراعظم نے ایران کے برادر عوام اور حکومت کے ساتھ پاکستان کی غیر متزلزل یکجہتی کا اعادہ کیا اور کہا کہ پاکستان امن کے قیام کے لیے فوری طور پر مذاکرات اور سفارتکاری کی ضرورت پر زور دیتا ہے۔

انہوں نے مزید کہا کہ مذاکرات ہی آگے بڑھنے کا واحد قابل عمل راستہ ہے اور کشیدگی کم کرنے کے لیے فوری طور پر اجتماعی کوششوں کی ضرورت ہے۔

ایرانی صدر مسعود پزشکیان نے پاکستان کی حمایت کی قدردانی کرتے ہوئے دونوں ممالک کے درمیان تعلقات کی اہمیت پر زور دیا۔ دونوں رہنماؤں نے موجودہ صورتحال میں امت مسلمہ کے درمیان اتحاد قائم کرنے پر بھی بات کی۔

آخر میں دونوں رہنماؤں نے ایک دوسرے کے ساتھ قریبی رابطے میں رہنے پر اتفاق کیا تاکہ موجودہ بحران پر مؤثر انداز میں قابو پایا جا سکے۔

وزیراعظم شہبازشریف نے ایران کی حکومت اور عوام کے ساتھ پاکستان کی مکمل حمایت کا اعادہ کیا، صدر مسعود پزشکیان نے پاکستان کے موقف کی ستائش کی۔