پاکستان میں محرم الحرام 1447 ھ کا چاند نظر آ گیا۔ کوئٹہ سے چیئرمین مرکزی رویت ہلال کمیٹی مولانا سید محمد عبدالخبیر آزاد کے اعلان کے مطابق وزارت سے نوٹیفیکیشن جاری ہوگیا۔

مرکزی  رویت کے حوالے سے مرکزی رویت ہلال کمیٹی کا اہم اجلاس آج (26 جون) بعد نماز عصر ڈی سی آفس کوئٹہ میں منعقد ہوا۔

اجلاس کی صدارت چیئرمین مرکزی رویت ہلال کمیٹی مولانا سید محمد عبدالخبیر آزادنے کی۔

وزارت مذہبی امور کے ترجمان کے مطابق ملک بھر میں زونل رویت ہلال کمیٹیاں بھی اپنے اپنے صوبائی دارالحکومتوں میں اجلاس منعقدہوا، جہاں سے موصول ہونے والی شہادتوں کی بنیاد پر چاند نظر آنے کافیصلہ کیاگیا۔

دوسری جانب چاند کی رویت کے حوالے سے سائنس اور فلکیات کے ماہر ادارے اسپارکو نے پیشگوئی کی تھی کہ  شام غروب آفتاب کے وقت چاند کی عمر تقریباً 28 گھنٹے اور 15 منٹ تھی۔

ساحلی علاقوں میں چاند کے غروب ہونے اور سورج کے غروب ہونے کے درمیان 75 منٹ کا فرق بتایاگیا، جو فلکیاتی لحاظ سے چاند دیکھنے کے لیے انتہائی موزوں تصور کیا جاتا ہے۔

اسپارکو کے ترجمان کا کہنا ہے کہ اگر موسم صاف رہا تو 26 جون 2025 کی شام محرم الحرام کا نیا چاند نظر آنے کے قوی امکانات موجود تھے۔

 پاکستان میں  یکم محرم الحرام 1447ھ جمعہ 27 جون 2025  سے شروع ہوچکا۔