ایلفا بوٹ 2 ایک انسان نما روبوٹ ہے، جو چین کی AI² روبوٹکس نے بنایا ہے، مکاؤ میں منعقدہ ٹیک کانفرنس میں اس روبوٹ نے لوڈو کھیلنے کا مظاہرہ کیا۔

روبوٹ نے گیم کھیلتے ہوئے ڈائس رول کرنے کے لیے خودکار مشین کا بٹن دبایا، روبوٹ جیتنے کی صورت میں مخالف کو تھمز اپ بھی کرتا رہا۔

اس کی خاص بات یہ ہے کہ یہ روبوٹ ’embodied AI’  ہے، یعنی حقیقتی ماحول میں محسوس کرنے، سمجھنے اور عمل کرنے کے قابل ہے۔

صارفین نے اسے صرف چند جملوں میں ڈائس کھیلنے کے بارے میں سکھا دیا، اور اس نے ڈائس کھیلنا شروع کردیا۔

چائے پکانے اور برتن دھونے کا خواب

AI² Robotics کے سی ای او گو یاندونگ کا کہنا ہے کہ مستقبل قریب میں یہ روبوٹ نہ صرف ڈائس بلکہ گھر کے کھانا پکانے، چائے بنانے اور برتن دھونے جیسے کام بھی کرسکتے ہیں۔

وہ بتاتے ہیں: “اگر آپ چائے بنانا چاہیں، روبوٹ جان لے گا کہ ٹی بیک کہاں سے لانا ہے، گرم پانی کس طرح کٹورے میں ڈالنا ہے اور کیسے آپ کو چائے پیش کرنی ہے۔”

انھوں نے مزید کہا کہ کھانے کے بعد، امید ہے یہ روبوٹ ہمارے لیے تمام برتن بھی صاف کردے، ہمیں پکانا اچھا لگتا ہے، مگر صفائی کرنا پسند نہیں ہوتی۔

صنعتی استعمال پہلے، گھریلو سپورٹ بعد میں

ایلفا بوٹ 2  پہلے ہی چینی کار فیکٹری میں اپنی خدمات سر انجام دے رہے ہیں، جہاں یہ سامان کو گاڑیوں میں لوڈ کرنےم اتارنے ، گاڑی کھینچنے اور ونڈشیلڈز پر لیبل لگانے جیسے کام انجام دے رہا ہے۔

ہوم سپورٹ کے لیے یہ تکنیکی طور پر ممکن ہے، مگر ابھی مہنگا ہے، چین میں اس روبوٹ کی قیمت تقریباً 15 ہزار ڈالر کے قریب ہے، اور AI² امید کر رہی ہے کہ پانچ سال میں قیمت اتنی نیچے آجائے گی کہ ہر مڈل–کلاس گھر اسے خرید سکے ۔

ماہرین کے خیال میں 5سے 10 سال میں گھریلو انسان نما روبوٹس عام ہو سکتے ہیں۔