کراچی: ایس بی سی اے کی مخدوش عمارتوں کے خطرے سے متعلق وارننگز نظر انداز، انتظامیہ غیر فعال

ویب ڈیسک

07th Jul, 2025. 09:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کراچی: ایس بی سی اے کی مخدوش عمارتوں کے خطرے سے متعلق وارننگز نظر انداز، انتظامیہ غیر فعال
ٹرمپ سے شہبازشریف کی اہم ترین ملاقات کل ہوگی ،وزیراعظم نے امریکی صدر کو امن کا داعی قرار دیدیا
شہباز شریف کی آسٹریا کے چانسلر سے ملاقات، مختلف شعبوں میں تعاون پر اتفاق
کمانڈر بحرین نیشنل گارڈ کا ایئر ہیڈکوارٹرز کا دورہ؛ پاک بحرین دفاعی تعاون مزید مستحکم کرنے پر اتفاق

Now Reading:

کراچی: ایس بی سی اے کی مخدوش عمارتوں کے خطرے سے متعلق وارننگز نظر انداز، انتظامیہ غیر فعال

سندھ بلڈنگ کنٹرول اتھارٹی (ایس بی سی اے) کی جانب سے کراچی کے ضلع جنوبی میں کئی مخدوش اور خستہ حال عمارتوں کے حوالے سے متعدد مرتبہ وارننگز اور خطوط جاری کیے گئے، لیکن متعلقہ حکام اور اداروں کی جانب سے اس خطرناک صورتحال پر کوئی مؤثر کارروائی نہ کی گئی۔

بول نیوز نے ایس بی سی اے کی جانب سے لکھے گئے خطوط حاصل کیے ہیں، جن میں ڈی جی ایس بی سی اے نے 13 جولائی 2022 کو متعلقہ حکام کو بارہا مخدوش عمارتوں کو فوری طور پر خالی کرانے کی ہدایات جاری کیں۔

خطوط میں واضح الفاظ میں کہا گیا کہ ان عمارتوں کے مکینوں کی جان کو شدید خطرہ لاحق ہے۔

مزید برآں ایس بی سی اے نے عمارت مالکان کو بھی نوٹسز جاری کیے اور بجلی و گیس کے کنیکشنز منقطع کرنے کے لیے سوئی گیس اور کے الیکٹرک حکام کو خطوط ارسال کیے تاہم ان اداروں کی جانب سے کسی قسم کی عملی کارروائی نہیں کی گئی۔

بغدادی میں واقع ایک خاص خستہ حال عمارت کے لیے 14 جون 2023 کو بھی نوٹس جاری کیا گیا جس میں کمشنر کراچی اور ایس ایچ او بغدادی کو عمارت خالی کرانے کی ہدایت کی گئی، مگر انتظامی اور قانون نافذ کرنے والے ادارے اپنی ذمہ داریوں سے غفلت برتتے رہے۔