مصنوعی ذہانت سے تیار کردہ راک بینڈ نے صرف دو ہفتوں میں اسپاٹی فائی پر ایک ملین سے زائد سامع حاصل کر کے حقیقی موسیقاروں کو حیران کر دیا۔

مصنوعی ذہانت نے جہاں ہر میدان میں اپنا لوہا منوایا ہے وہی اس نے موسیقی کی دنیا میں بھی اپنی اجاراداری قائم کر لی ہے۔

دا ویلویٹ سن ڈاؤن ایک مصنوعی ذہانت پر مبنی راک بینڈ جو کہ سائیک راک طرز کی موسیقی سے ترتیب دیتا ہے، ذہین بینڈ نے صرف دو ہفتوں کے اندر اسپاٹی فائی پر نصف ملین سے زائد ماہانہ سننے والوں کو اپنی موسیقی کا گرویدہ بنا لیا ہے۔

حیران کن بات یہ ہے کہ دو ہفتے قبل اس بینڈکو وجود ہی نہیں تھا، یہ بینڈ نے اب تک دو البمز ریلیز کر چکا ہے جبکہ تیسرا البم بھی جلد آنے والا ہے۔

یہ بھی پڑھیں: ماہرین نفسیات نے مصنوعی ذہانت کے استعمال پر سخت تشویش کا اظہار کر دیا

اس بینڈ کی غیر معمولی کامیابی اور شہرت نے دنیا بھر میں موسیقی کے شائقین اور ناقدین کو حیران کر دیا ہے جب تحقیق کی گئی تو معلوم ہوا یہ بینڈ حقیقی نہیں بلکہ مصنوعی ذہانت پر مبنی ہے۔

اس بینڈ کے بانی کا کہنا ہے کہ اس بینڈ کے تمام اراکین جن میں گیب فیرو ، گٹارسٹ لینی ویسٹ، سنتھیسائزر پلیئر میلو رینز  اور پرکشنسٹ اوریون ’’ریو‘‘ ڈیل مار شامل ہیں سب ہی مصنوعی ذہانت کی کاوش ہے، اس کے علاوہ ان کی آواز، موسیقی، بول سب ہی  اے آئی نےتیار کیے ہیں جس نے اس بینڈکو سننے والوں کو ایک خوشگوار حیرت میں ڈال دیا۔

دا ویلویٹ سن ڈاؤن ایک مصنوعی موسیقی کا شاہکار منصوبہ ہے جو انسانی تخلیقی ہدایت کے تحت تشکیل پایا ہے، اور اس کی موسیقی، آواز، اور تصاویر مصنوعی ذہانت کی مدد سے تخلیق کی گئی ہیں، یہ ایک مسلسل فنکارانہ تجربہ جو موسیقی کے مستقبل کے تصورات کو چیلنج کرتا ہے۔

اس بینڈ کے تمام کردار، کہانیاں، دھنیں، آوازیں اور بول مصنوعی ذہانت کے تخلیقی آلات کی مدد سے تیار کردہ اصل تخلیقات ہیں۔ کسی حقیقی مقام، واقعہ یا شخص سے مشابہت محض اتفاقیہ ہو سکتی ہے۔

بینڈ کا سب سے مقبول گانا “Dust on the Wind’’ اب تک اسپاٹی فائی پر پانچ لاکھ سے زائد مرتبہ سنا جا چکا ہے، اور یہ پلیٹ فارم کی مشہور پلے لسٹس جیسے میں بھی شامل ہو چکا ہے۔

اب دیکھنا یہ ہے کہ مصنوعی ذہانت سے تیار یہ فنکارانہ کوشش موسیقی کی دنیا میں کتنے دیرپا اثرات چھوڑتی ہے۔ کیا یہ رجحان مستقبل کا ایک نیا باب کھولے گا؟ یا صرف وقتی دلچسپی ثابت ہوگا؟ وقت ہی بتائے گا۔