ٹیکساس (خاص طور پر ہل کنٹری اور کروڑو گناؤلے ریور کے اطراف) میں 4 سے 7 جولائی کے دوران زوردار بارشوں نے سنسنی خیز فلڈنگ پیدا کی۔

امریکی میڈیا کے مطابق تیز رفتار سیلابی پانی نے صرف چند گھنٹوں میں دریا کا لیول تقریباً 26–29 فٹ تک بڑھا دیا، جس سے شدید تباہی ہوئی اور اسپیشل کیمپوں میں موجود بچوں سمیت کم از کم 104 افراد ہلاک ہو گئے جبکہ 24 افراد لاپتہ ہیں ۔

میڈیا رپورٹس کے مطابق ٹیکساس میں طوفانی بارشوں اور سیلاب کی وجہ سے نظام زندگی شدید متاثر ہے، بارشوں اور سیلاب سے کیر کاؤنٹی کا علاقہ سب سے زیادہ متاثر ہوا ہے جہاں 84 لاشیں برآمد  ہوئیں۔

مزید پڑھیں: خوفناک سمندری طوفان بیرل سے ٹیکساس میں لاکھوں لوگ بجلی سے محروم

سمر کیمپ انتظامیہ نے کیمپ کی لاپتا 27 لڑکیوں اور کونسلرز کے ہلاک ہونے کی تصدیق کردی جب کہ 10 سے زائد لڑکیاں اور ایک اسٹاف ممبر تاحال لاپتا ہے، لاپتا درجنوں افراد کی تلاش کے لیے ہیلی کاپٹرز، کشتیوں اور ڈرونز کا استعمال کیا جارہا ہے۔

اس کے علاوہ دریائے گوادیلوپ کے کناروں پر سرچ آپریشن جاری ہے جس حوالے سے امدادی کارکنوں کا کہنا ہے کہ دریا کا پانی چند گھنٹوں میں کئی فٹ بلند ہو گیا تھا  جس کی وجہ موسمی دباؤ اور مسلسل بارشیں ریکارڈ کی جارہی ہیں۔

دوسری جانب ریاست میں مزید بارشوں کی پیشگوئی نے باقی علاقوں کے لیے خطرے کی گھنٹی بھی بجا دی ہے جس کے پیش نظر ریاست کے گورنر نے متاثرہ علاقوں میں ایمرجنسی نافذ کردی ہے۔