ون ڈے رینکنگ: بیٹرز میں بابر اعظم کی دوسری پوزیشن، کوئی آل راؤنڈر ٹاپ ٹین میں شامل نہیں

ویب ڈیسک

09th Jul, 2025. 04:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ون ڈے رینکنگ: بیٹرز میں بابر اعظم کی دوسری پوزیشن، کوئی آل راؤنڈر ٹاپ ٹین میں شامل نہیں

پاکستان کے اسٹار کرکٹر بابر اعظم ون ڈے رینکنگ میں بیٹرز کی کیٹیگری میں دوسری پوزیشن پر ہیں، جبکہ آل راؤنڈرز میں کوئی پاکستانی کھلاڑی شامل نہیں ہے۔

انٹرنیشنل کرکٹ کونسل ( آئی سی سی) نے ون ڈے میں مختلف کیٹیگریز کے کھلاڑیوں کی رینکنگ جاری کردی ہے۔

آئی سی سی رینکنگ کے مطابق بیٹرز کی فہرست میں بھارت کے شبمن گل کی پہلی پوزیشن برقرار ہے جب کہ پاکستانی بیٹر بابراعظم کی دوسری اور بھارتی کپتان روہت شرما کی تیسری پوزیشن ہے۔

بیٹرز رینکنگ میں سری لنکا کے چریتھ اسالانکا 2 درجہ بہتری کے بعد چھٹے نمبر پر اور کوشال مینڈس 10 درجہ بہتری کے بعد دسویں نمبر پر آگئے ہیں۔

ون ڈے بولرز رینکنگ

دوسری جانب ون ڈے بولرز کی رینکنگ میں سری لنکا کے مہیش تھیکشانا کی پہلی پوزیشن برقرار ہے۔

وانندو ہسارانگا 11 درجے بہتری کے بعد آٹھویں، رویندرا جڈیجہ ایک درجہ تنز لی کے بعد نویں نمبر پرپہنچ گئے ہیں جب کہ پاکستان کے شاہین آفریدی ایک درجہ تنزلی کے بعد 12 ویں نمبر پر چلے گئے ہیں۔

ون ڈے آل راؤنڈرز رینکنگ

آل راؤنڈرز کی رینکنگ میں افغانستان کے عظمت اللہ عمر زئی کی پہلی پوزیشن برقرار ہے جب کہ ٹاپ ٹین میں پاکستان کا کوئی آل راؤنڈر شامل نہیں ہے۔