جہلم ویلی کے علاقے گوہر آباد میں کلاؤڈ برسٹ، 14 مکانات متاثر، سڑکیں تباہ

ویب ڈیسک

10th Jul, 2025. 12:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جہلم ویلی کے علاقے گوہر آباد میں کلاؤڈ برسٹ، 14 مکانات متاثر، سڑکیں تباہ

جہلم ویلی کے مضافاتی علاقے گوہر آباد میں کلاؤڈ برسٹ نے شدید تباہی مچا دی۔

گزشتہ روز شدید بارش کے بعد آنے والے سیلابی ریلے سے جہلم ویلی میں 14 مکانات اور متعدد دکانیں متاثر ہوئیں، جبکہ علاقے کا روڈ انفراسٹرکچر بھی کئی مقامات پر زمین بوس ہو گیا۔

ریسکیو اور ضلعی ڈیزاسٹر مینجمنٹ اتھارٹی (ڈی ڈی ایم اے) کے اہلکاروں نے فوری امدادی کارروائیاں کرتے ہوئے متاثرہ افراد کو محفوظ مقامات پر منتقل کیا۔ حکام کے مطابق چار مکانات کا گھریلو سامان مکمل طور پر تباہ ہو چکا ہے، جبکہ دیگر مکانات کو جزوی نقصان پہنچا ہے۔

سیلابی ریلے میں ایک پن چکی، تین گائے اور ایک موٹر سائیکل بھی بہہ گئی، جس سے مقامی افراد کو لاکھوں روپے کے مالی نقصان کا سامنا کرنا پڑا۔

گوہر آباد کی مرکزی سڑکیں بھی سیلاب کی شدت کے باعث مکمل طور پر تباہ ہوگئی ہیں، جس سے آمدورفت کا نظام درہم برہم ہو گیا۔

ضلعی انتظامیہ نے مشینری کے ذریعے متاثرہ روڈ انفراسٹرکچر کی بحالی کا کام شروع کر دیا ہے۔ ڈیزاسٹر مینجمنٹ کے مطابق جلد از جلد راستے کھولنے اور متاثرین کی مکمل بحالی کے لیے تمام دستیاب وسائل بروئے کار لائے جا رہے ہیں۔