وزیرداخلہ نے صدر مملکت کی تبدیلی سے متعلق خبروں کی سختی سے تردید کردی

ویب ڈیسک

10th Jul, 2025. 01:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیرداخلہ نے صدر مملکت کی تبدیلی سے متعلق خبروں کی سختی سے تردید کردی

شائقین کرکٹ کے لیے بڑی خوشخبری، ایشیا کپ 2025 کی تاریخوں کا اعلان کردیا گیا

وزیرداخلہ محسن نقوی نے صدر آصف زرداری کی تبدیلی سے متعلق خبروں کی سختی سے تردید کر دی ہے۔

وزیرداخلہ محسن نقوی نے سماجی کے رابطے کی ویب سائٹ ایکس پر اپنے پیغام میں کہا کہ ہم جانتے ہیں کہ صدر آصف زرداری، وزیراعظم شہباز شریف اور فیلڈ مارشل سید عاصم منیر کو نشانہ بنانے والی مہم کے پیچھے کون ہے۔

محسن نقوی نے کہا کہ میں واضح طور پر کہنا چاہتا ہوں کہ صدر آصف زرداری سے استعفیٰ سے متعلق کوئی بحث نہیں ہوئی، فیلڈ مارشل سید عاصم منیر کے صدر پاکستان بننے سے متعلق کوئی خیال موجود نہیں ہے۔

یہ بھی پڑھیں: حوالہ ہنڈی میں ملوث بڑے بڑے لوگوں پر ہاتھ ڈالا جائے، محسن نقوی

وزیرداخلہ کا کہنا تھا کہ صدرآصف زرداری کے مسلح افواج کی قیادت سے مضبوط اور احترام پر مبنی تعلقات ہیں، میں جانتا ہوں یہ جھوٹ کون پھیلا رہا ہے؟ وہ ایسا کیوں کررہا ہے، یہ بھی جانتا ہوں کہ اس پروپیگنڈے سے کس کو فائدہ ہو رہا ہے۔

محسن نقوی نے مزید کہا کہ فیلڈ مارشل عاصم منیر کی واحد توجہ پاکستان کا استحکام اور مضبوطی ہے، اس بیانیے میں شامل افراد کا مقصد دشمن ایجنسیوں سے مل کر پاکستان کے خلاف کام کرنا ہے، پاکستان کو مضبوط بنانے کےلیے جو کچھ ہوگا ہم کریں گے۔