تربیلا ڈیم کے اسپل ویز آج دوبارہ کھولے جائیں گے، پی ڈی ایم اے کا انتباہ

ویب ڈیسک

16th Jul, 2025. 11:44 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تربیلا ڈیم کے اسپل ویز آج دوبارہ کھولے جائیں گے، پی ڈی ایم اے کا انتباہ

پراونشل ڈیزاسٹر مینجمنٹ اتھارٹی (پی ڈی ایم اے) کے مطابق تربیلا ڈیم کے اسپل ویز آج دوبارہ کھولے جا رہے ہیں، جس کے باعث دریائے سندھ میں پانی کی سطح میں نمایاں اضافہ متوقع ہے۔

حکام کے مطابق ڈیم سے پانی کے اخراج کے بعد پانی کا بہاؤ 1 لاکھ 62 ہزار کیوسک سے بڑھ کر 2 لاکھ 60 ہزار کیوسک تک پہنچ سکتا ہے۔

پی ڈی ایم اے نے خبردار کیا ہے کہ اس صورتحال کے باعث دریائے سندھ اور اس سے منسلک ندی نالوں میں طغیانی کا خدشہ ہے۔

ادارے نے ضلعی انتظامیہ کو مقامی آبادی کو الرٹ رکھنے اور کسی بھی ممکنہ ہنگامی صورتحال سے نمٹنے کے لیے تیار رہنے کی ہدایت جاری کی ہے۔

پی ڈی ایم اے نے عوام سے اپیل کی ہے کہ وہ دریاؤں اور ندی نالوں کے قریب جانے سے گریز کریں۔ خاص طور پر والدین کو تاکید کی گئی ہے کہ وہ بچوں کو ندی نالوں کے قریب جانے سے روکیں تاکہ کسی بھی ناخوشگوار واقعے سے بچا جا سکے۔

مزید برآں، سیاحوں اور مقامی افراد کو ہدایت کی گئی ہے کہ وہ پی ڈی ایم اے کی جانب سے جاری کردہ احتیاطی تدابیر اور ہدایات پر سختی سے عمل کریں۔

پی ڈی ایم اے نے کہا ہے کہ کسی بھی ہنگامی صورتحال میں فوری اطلاع کے لیے متعلقہ ضلعی کنٹرول روم یا ہیلپ لائن سے رابطہ کیا جائے۔