ٹکٹوں کی خرید و فروخت سے تحریک انصاف قیادت خود بے نقاب ہو گئی: عظمیٰ بخاری

اسٹاف رپورٹر

19th Jul, 2025. 11:36 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹکٹوں کی خرید و فروخت سے تحریک انصاف قیادت خود بے نقاب ہو گئی: عظمیٰ بخاری

وزیر اطلاعات پنجاب عظمیٰ بخاری نے خیبرپختونخوا میں سینیٹ کی ٹکٹوں کی مبینہ خرید و فروخت پر تحریک انصاف کو سخت تنقید کا نشانہ بنایا ہے۔

انھوں نے کہا ہے کہ پارٹی میں بولیاں لگی ہیں اور نظریاتی کارکن ہار گئے، جب کہ نوٹوں کی چمک جیت گئی ہے۔

عظمیٰ بخاری کا کہنا تھا کہ تحریک انصاف کے رہنما اور کارکن خود اپنی لیڈرشپ کے پول کھول رہے ہیں، اور بانی پی ٹی آئی بھی اس ہارس ٹریڈنگ میں برابر کے شریک ہیں۔

انہوں نے الزام عائد کیا کہ ہارس ٹریڈنگ کی سب سے زیادہ مخالفت کرنے والی جماعت آج سب سے بڑی حمایتی بن چکی ہے۔

وزیر اطلاعات نے مزید کہا کہ تحریک انصاف نے اپنے وفادار کارکنوں کو نظر انداز کر کے سینیٹ ٹکٹوں کے لیے اے ٹی ایمز کو ترجیح دی، اور پارٹی میں مار کھانے کے لیے کارکن جبکہ اقتدار کے مزے لوٹنے کے لیے موسمی پرندے رکھے گئے ہیں۔

عظمیٰ بخاری نے کہا کہ بانی پی ٹی آئی سینیٹ ٹکٹوں کی خرید و فروخت سے پوری طرح باخبر ہیں۔

انہوں نے تحریک انصاف کے نظریاتی کارکنوں سے دلی ہمدردی کا اظہار کرتے ہوئے کہا کہ خیبرپختونخوا میں تحریک انصاف تیزی سے غیر مقبول ہو رہی ہے، اور نوجوان اب سمجھ چکے ہیں کہ انہیں صرف دھرنوں اور احتجاجی مظاہروں کے لیے استعمال کیا گیا۔