اسٹاک مارکیٹ نئی بلندیوں پر، 5 روزہ کاروبار میں 4298 پوائنٹس کا شاندار اضافہ

اسٹاف رپورٹر

19th Jul, 2025. 04:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسٹاک مارکیٹ نئی بلندیوں پر، 5 روزہ کاروبار میں 4298 پوائنٹس کا شاندار اضافہ

پاکستان اسٹاک ایکسچینج (PSX) نے رواں ہفتے تاریخ کی نئی بلندیاں چھو لیں، جہاں کاروباری ہفتے کے دوران 100 انڈیکس میں زبردست 4298 پوائنٹس کا اضافہ ریکارڈ کیا گیا۔

کاروبار کا آغاز 134,299 پوائنٹس سے ہوا اور ہفتے کے اختتام پر انڈیکس 138,597 پوائنٹس پر بند ہوا، جب کہ ہفتے کے دوران انڈیکس 1,40,585 کی بلند ترین سطح پر بھی ٹریڈ کرتا نظر آیا۔

اس ہفتے اسٹاک مارکیٹ میں زبردست تیزی کے باعث 4 نفسیاتی حدیں بحال ہوئیں، اور مارکیٹ کیپٹلائیزیشن میں 228 ارب روپے کا اضافہ دیکھنے میں آیا، جس کے بعد مجموعی مارکیٹ کیپٹلائیزیشن 16,517 ارب روپے تک پہنچ گئی۔

اعداد و شمار کے مطابق ہفتے کے دوران 42.51 فیصد حصص کی قیمتوں میں اضافہ ہوا۔ 1023 کمپنیوں کے شیئرز کی قیمتوں میں اضافہ ہوا جبکہ 1246 میں کمی ریکارڈ کی گئی۔

ماہرین کا کہنا ہے کہ لسٹڈ کمپنیوں کے مضبوط مالیاتی نتائج، مہنگائی میں کمی، زرمبادلہ ذخائر میں بہتری اور مالیاتی اصلاحات کے مثبت اثرات نے سرمایہ کاروں کا اعتماد بحال کیا ہے، جس کے نتیجے میں مارکیٹ میں نمایاں تیزی دیکھی گئی۔

معاشی اشاریوں میں بہتری اور حکومتی مالیاتی پالیسیوں کے تسلسل کے باعث اگلے ہفتے بھی مارکیٹ میں مثبت رجحان برقرار رہنے کی توقع ہے۔