صدرِ مملکت سے چینی سفیر کی ملاقات، باہمی دلچسپی کے امور پر تبادلہ خیال

ملک سعید اعوان

24th Jul, 2025. 02:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدرِ مملکت سے چینی سفیر کی ملاقات، باہمی دلچسپی کے امور پر تبادلہ خیال

اسلام آباد: صدرِ مملکت آصف علی زرداری سے چینی سفیر جیانگ زائی دونگ نے ایوانِ صدر میں ملاقات کی، جس میں دوطرفہ تعلقات، باہمی دلچسپی کے امور اور علاقائی تعاون پر تبادلہ خیال کیا گیا۔

ملاقات کے دوران صدر مملکت نے گفتگوکرتے ہوئے کہا کہ پاکستان چین کے ساتھ اپنے تعلقات کو انتہائی اہمیت دیتا ہے، دونوں ملکوں کے درمیان تجارت، معیشت، ثقافت اور علاقائی روابط کے فروغ کے وسیع مواقع موجود ہیں۔

یہ بھی پڑھیں: چین کا دریائے براہمپترہ پر ڈیم کی تعمیر کا آغاز، بھارت میں تشویش

آصف علی زرداری کا کہنا تھا کہ خطے میں امن، سلامتی اور خوشحالی کے لیے مل کر کام کرنے کی ضرورت ہے، چین نے ہر مشکل وقت میں پاکستان کا بھرپور ساتھ دیا ہے، پاکستانی عوام اپنے آہنی بھائی چین کی مستقل حمایت پر شکر گزار ہیں، چین پاکستان کی سماجی و اقتصادی ترقی میں کلیدی کردار ادا کر رہا ہے۔

اس موقع پر، چینی سفیر نے صدرمملکت کی آنے والی سالگرہ پرصدر شی جن پنگ کی جانب سے دلی نیک خواہشات کا خصوصی پیغام پہنچایا۔