عالمی بینک کے نائب صدر نے پاکستان کا تین روزہ دورہ مکمل کرلیا

عمر حیات خان

26th Jul, 2025. 02:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عالمی بینک کے نائب صدر نے پاکستان کا تین روزہ دورہ مکمل کرلیا

پاکستان میں غربت کی شرح 25.3 فیصد تک پہنچ گئی، عالمی بینک

عالمی بینک کے نائب صدر عثمان ڈیون نے پاکستان کا تین روزہ دورہ مکمل کرلیا۔

عالمی بینک کی جانب سے جاری کردہ اعلامیے کے مطابق عثمان ڈیون کا بطور نائب صدر یہ پاکستان کا پہلا دورہ تھا۔

اعلامیے میں بتایا گیا کہ عثمان ڈیون نے اپنے دورہ پاکستان کے دوران وزیراعظم شہباز شریف سے اہم ملاقات کی، جس میں معاشی ترقی کے لیے بنیادی اصلاحات پر گفتگو کی گئی۔

عالمی بینک کے وفد نے وفاقی وزرا سے بھی اہم ملاقاتیں کی، جس میں پاکستان کے ساتھ ترقیاتی شراکت داری کو مزید مضبوط بنانے کا عزم کیا، پاکستان کو صاف توانائی، موسمیاتی تبدیلی، اور فضائی آلودگی کے چیلنجز سے نمٹنے میں تعاون کی فراہمی کی یقین دہانی کرائی۔۔

یہ بھی پڑھیں: عالمی بینک نے پاکستان میں 2 منصوبوں کیلئے 194 ملین ڈالر کی منظوری دے دی

عثمان ڈیون نے کہا کہ پاکستان کی قیادت سے ملاقاتیں انتہائی معلوماتی اور حوصلہ افزا رہیں، پاکستان میں انسانی ترقی، روزگار اور جامع ترقی اہم ترجیحات ہیں ورلڈ بینک پاکستان میں توانائی، تعلیم، ماحولیاتی تحفظ پر تعاون جاری رکھے گا۔ ۔

عثمان ڈیون نے کراچی میں وزیراعلیٰ سندھ اور صوبائی وزرا سے بھی ملاقاتیں کیں، جس میں سندھ میں سیلاب سے بحالی، ہاؤسنگ، غذائی قلت اور بچوں کی نشوونما پر تبادلہ خیال کیا گیا۔