ریسکیو حکام نے اپنے 2 بچوں کے ہمراہ سمندر میں چھلانگ لگانے والے شخص کی لاش بھی نکال لی ہے، متوفی نے گزشتہ روز سمندر میں کود کر خودکشی کی تھی۔
یہ افسوسناک واقعہ گزشتہ روز اس وقت پیش آیا، جب سی ویو کے نزدیک دو دریا کے مقام پر ایک شخص نے اپنے دو کمسن بچوں کے ہمراہ سمندر میں چھلانگ لگا دی۔
مزید پڑھیں: انٹارکٹیکا سمندر میں نمکیات کا خطرناک اضافہ، برف کے پگھلاؤ میں تیزی کا انکشاف
ریسکیو حکام کے مطابق ریسکیو آپریشن کے دوران والد اورنگ زیب عالم کی لاش نکال لی گئی ہے، جبکہ بچوں کی لاشیں گزشتہ روز ہی نکال لی گئی تھیں۔
ڈوب کر جاں بحق ہونے والے بچوں کی شناخت 5 سالہ آیت اور 7 سالہ احمد کے نام سے ہوئی ہے۔ ریسکیو ذرائع کے مطابق تینوں لاشوں کو ضابطے کی کارروائی کے بعد اسپتال منتقل کیا جا رہا ہے۔
Advertisement
متوفی اورنگ زیب عالم اورنگی ٹاؤن ساڑھے آٹھ نمبر کا رہائشی اور عامر پبلک اسکول میں بطور ٹیچر خدمات انجام دے رہا تھا۔ ذرائع کے مطابق عالم کا اپنی بیوی کے ساتھ گھریلو جھگڑا چل رہا تھا، جس کے باعث اس نے یہ انتہائی قدم اٹھایا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
