وزیرِ اعظم پاکستان نے سرکاری دفاتر میں وقت کی خلاف ورزی پر سخت نوٹس لیتے ہوئے تمام وفاقی وزارتوں، ڈویژنز اور خودمختار اداروں کو وقت کی پابندی یقینی بنانے کی ہدایات جاری کی ہیں۔
وزیرِ اعظم نے دفاتر میں غیر حاضری اور تاخیر پر شدید برہمی کا اظہار کرتے ہوئے کہا کہ اس قسم کی کوتاہی برداشت نہیں کی جائے گی۔
وزیرِ اعظم نے واضح طور پر کہا کہ تمام افسران اور عملہ سرکاری اوقات کار کی مکمل پابندی کریں اور اپنے کام میں نظم و ضبط برقرار رکھیں۔
اس کے ساتھ ہی وفاقی سیکرٹریز اور ادارہ سربراہان سے درخواست کی گئی ہے کہ وہ خود وقت کی پابندی میں مثال قائم کریں تاکہ باقی عملہ بھی اس کی پیروی کرے۔
سیکریٹری کابینہ کی جانب سے اس ضمن میں تمام وزارتوں اور محکموں کو خط جاری کیا گیا ہے جس میں دفاتر میں وقت کی پابندی کو یقینی بنانے کی ہدایات دی گئی ہیں۔
Advertisement
خط میں کہا گیا ہے کہ سرکاری دفاتر میں وقت کی خلاف ورزی نہ صرف کام کے معیار کو متاثر کرتی ہے بلکہ عوام کی خدمات میں بھی رکاوٹ پیدا کرتی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
