امریکا، جارجیا کے فوجی اڈے پر حملہ، 5 امریکی فوجی زخمی

ویب ڈیسک

06th Aug, 2025. 11:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امریکا، جارجیا کے فوجی اڈے پر حملہ، 5 امریکی فوجی زخمی

امریکی فوجی حکام کا کہنا ہے کہ جارجیا کے فورٹ اسٹیورٹ فوجی اڈے پر حملے میں فائرنگ سے 5 فوجی اہلکار زخمی ہو گئے ہیں۔

غیر ملکی خبر رساں ادارے کے مطابق حملے میں ملوث ایک مشتبہ شخص کو فوجی حکام نے اپنی حراست میں لے لیا ہے۔

فوجی اڈے کی جانب سے جاری کردہ ایک فیس بک پوسٹ میں بتایا گیا کہ زخمی سپاہیوں کو فوری طور پر موقع پر طبی امداد فراہم کی گئی اور بعد ازاں مزید علاج کے لیے وِن آرمی کمیونٹی ہسپتال منتقل کر دیا گیا۔

حکام نے فوری طور پر متاثرین کی حالت سے متعلق مزید تفصیلات فراہم نہیں کیں، فوجی اڈے کی پوسٹ میں کہا گیا ہے کہ کمیونٹی کے لیے کوئی فعال خطرہ نہیں ہے۔

فورٹ اسٹیورٹ کے فوجی حکام نے کہا کہ قانون نافذ کرنے والے اداروں کو صبح 10:56 بجے (مقامی وقت) 2nd آرمورڈ بریگیڈ کمپبیٹ ٹیم کے علاقے میں فائرنگ کی اطلاع ملی، اور فورٹ سٹیورٹ کو تقریباً 11:04 بجے لاک ڈاؤن کر دیا گیا۔ مشتبہ شخص کو 11:35 بجے گرفتار کر لیا گیا۔

فوج نے مشتبہ شخص کے بارے میں تفصیلات فراہم نہیں کیں، بشمول یہ کہ آیا وہ فوجی ہے یا نہیں، جارجیا کے گورنر برائن کیمپ نے سوشل میڈیا پر اپنے پیغام میں کہا کہ وہ اور ان کے خاندان کو آج کے سانحے نے غمگین کر دیا ہے۔