شاہ عبداللطیف بھٹائیؒ کے 282 ویں عرس کی اختتامی تقریبات آج، بلاول بھٹو شریک ہونگے

اسٹاف رپورٹر

11th Aug, 2025. 11:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شاہ عبداللطیف بھٹائیؒ کے 282 ویں عرس کی اختتامی تقریبات آج، بلاول بھٹو شریک ہونگے

مٹیاری میں سندھ کے عظیم صوفی شاعر، مفکر اور بزرگ حضرت شاہ عبداللطیف بھٹائیؒ کے 282 ویں سالانہ تین روزہ عرس مبارک کا آج تیسرا اور آخری دن ہے۔

بھٹ شاہ میں جاری ان روحانی محفلوں اور تقریبات میں ملک بھر سے زائرین کی بڑی تعداد شریک ہے، جو حضرت شاہ عبداللطیفؒ سے عقیدت کے اظہار کے لیے یہاں پہنچے ہیں۔

عرس کی اختتامی تقریبات میں چیئرمین پیپلز پارٹی بلاول بھٹو زرداری، وزیر اعلیٰ سندھ اور صوبائی وزراء سمیت اہم شخصیات کی شرکت متوقع ہے۔ اس موقع پر سکیورٹی کے انتہائی سخت انتظامات کیے گئے ہیں، اور پولیس و رینجرز اہلکار بھٹ شاہ اور گردونواح میں تعینات ہیں تاکہ کسی بھی ناخوشگوار واقعے سے بچا جا سکے۔

زائرین مزار پر حاضری دے کر دعا کر رہے ہیں، جب کہ محفلِ سماع، صوفیانہ کلام اور مختلف ثقافتی پروگراموں کا سلسلہ بھی جاری ہے۔ عرس کے موقع پر لگائے گئے میلے میں روایتی سندھ کی ثقافت اور دستکاری کے اسٹالز بھی عوام کی توجہ کا مرکز بنے ہوئے ہیں۔

حضرت شاہ عبداللطیف بھٹائیؒ کے عرس کو سندھ کی روحانی اور ثقافتی زندگی کا ایک اہم حصہ سمجھا جاتا ہے، جہاں ہر سال ہزاروں عقیدت مند ان کی تعلیمات اور پیغامِ محبت سے فیضیاب ہونے کے لیے شریک ہوتے ہیں۔