کراچی: شہر قائد میں گزشتہ روز سے جاری بارشوں کے دوران مختلف حادثات میں جاں بحق ہونے والوں کی تعداد 18 تک پہنچ گئی ہے۔
ریسکیو حکام کے مطابق سب سے زیادہ المناک واقعہ گلستان جوہر میں پیش آیا جہاں ایک گھر کی دیوار گرنے سے خاتون اور بچوں سمیت پانچ افراد جاں بحق ہو گئے۔
ریسکیو ذرائع کے مطابق اورنگی ٹاؤن میں دیوار گرنے سے ایک بچہ جاں سے گیا، جبکہ نیو کراچی، ڈیفنس فیز 6، شارع فیصل اور شاہ فیصل کالونی میں کرنٹ لگنے کے مختلف واقعات میں 6 افراد اپنی جانوں سے ہاتھ دھو بیٹھے۔
اسی طرح نیو کراچی، گرومندر، اورنگی ٹاؤن سات نمبر اور سبزی منڈی کے قریب برساتی ندی نالوں میں ڈوب کر مزید 5 افراد جاں بحق ہوئے۔ حکام کے مطابق ریسکیو اور امدادی ٹیمیں متاثرہ علاقوں میں کارروائیاں جاری رکھے ہوئے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
