48 گھنٹوں میں دریائے ستلج میں اونچے درجے کے سیلاب کا خطرہ، الرٹ جاری

ویب ڈیسک

26th Aug, 2025. 09:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

48 گھنٹوں میں دریائے ستلج میں اونچے درجے کے سیلاب کا خطرہ، الرٹ جاری

آئندہ 48 گھنٹوں کے دوران دریائے ستلج میں انتہائی اونچے درجے کے سیلاب کا خدشہ ظاہر کیا گیا ہے، جس کے پیش نظر پنجاب ڈیزاسٹر مینجمنٹ اتھارٹی (پی ڈی ایم اے) نے متعلقہ اضلاع کو فوری الرٹ کر دیا ہے۔

پی ڈی ایم اے کی جانب سے لاہور، ساہیوال، بہاولپور، ملتان اور ڈیرہ غازی خان کے کمشنرز کو چوکنا رہنے کی ہدایت دی گئی ہے جبکہ قصور، اوکاڑہ، پاکپتن، بہاولنگر، وہاڑی، لودھراں، بہاولپور، ملتان اور مظفر گڑھ کے ڈپٹی کمشنرز کو بھی الرٹ جاری کر دیا گیا ہے۔

ریلیف کمشنر پنجاب نے واسا، ضلعی انتظامیہ اور تمام متعلقہ محکموں کو کسی بھی ہنگامی صورت حال سے نمٹنے کے لیے مکمل تیاری کی ہدایت کی ہے۔

مزید پڑھیں: بھارت نے دریائے راوی میں پانی چھوڑ دیا، شکرگڑھ میں 80 ہزار کیوسک کا سیلابی ریلہ داخل، الرٹ جاری

اس ضمن میں لوکل گورنمنٹ، زراعت، آبپاشی، صحت، جنگلات، لائیو اسٹاک اور ٹرانسپورٹ کے محکموں کو بھی الرٹ رہنے کی تاکید کی گئی ہے۔

ڈی جی پی ڈی ایم اے کے مطابق وزیراعلیٰ پنجاب کی ہدایات پر عمل کرتے ہوئے ریسکیو ٹیموں کو حساس علاقوں میں تعینات کیا جا رہا ہے تاکہ کسی بھی ممکنہ خطرے سے بروقت نمٹا جا سکے۔

شہریوں کو بھی احتیاطی تدابیر اختیار کرنے اور ضلعی انتظامیہ کے ساتھ تعاون کی ہدایت کی گئی ہے۔