افغانستان پر واضح کر دیا ٹی ٹی پی کے خلاف کارروائی کریں یا ہمارے حوالے کریں۔ نائب وزیراعظم اسحاق ڈر نے کہاہے کہ اٹلانٹک کونسل میں میرے ایک جواب کو غلط رنگ دیا گیا۔

یہ بات انہوں نے اپنے غیرملکی دوروں سے متعلق اسلام آباد میں پریس بریفنگ میں کہی ۔ انہوں نے کہاکہ جس کو انگریزی سمجھ نہیں آتی وہ انگریزی سمجھے کیونکہ وہاں ساری باتیں انگریزی میں ہوتی ہیں۔

ان کا کہناتھاکہ میں نے برطانیہ کا دورہ کیا وہاں مختلف ملاقاتیں ہوئیں۔ انہوں نے کہا کہ برطانیہ کے وزیر خارجہ ان کے ڈپٹی وزیر اعظم کے ساتھ ملاقات ہوئی۔

انہوں نے کہا کہ ہم نے برطانیہ میں پاکستانی ہائی کمیشن میں پنجاب لینڈ ڈیجیٹائزیشن کا افتتاح کیا۔برطانیہ میں پاسپورٹ کا آپریشن ون ونڈو کیا، برطانیہ کو ڈائریکٹ فلائٹس اگلے مہینے میں شروع ہوں گی۔

پی آئی اے کی مانچسٹر کے لیے براہ راست فلائٹس ستمبر میں شروع ہوگی۔

ان کا کہنا تھا کہ 20 اگست کو کابل کا دورہ کیا، کابل میں پاکستان، چین اور افغانستان کا سہ فریقی اجلاس ہوا۔افغان وزیر خارجہ سے دوطرفہ ملاقات بھی ہوئی۔

اپریل میں دورہ افغانستان کے دوران جو اعلانات کیے گئے تھے اس پرعمل درآمد ہوا۔افغان وزیر خارجہ نے پاکستان کی اس بات کو سراہا۔

اسحاق ڈار نے کہاکہ پاکستان نے گریٹر اسرائیل کا منصوبہ مسترد کیا ہے پاکستان اپنی پالیسی پر قائم ہے۔

ان کا کہنا تھا کہ افغان قیادت سے ملاقات میں چین اور پاکستان دونوں کو سیکیورٹی تحفظات تھے۔ انہوں نے کہاکہ  ہمارے تحفظ ٹی ٹی پی سے متعلق تھے۔

ان کا کہناتھاکہ ہم نے افغانستان سے کہا یا تو ٹی ٹی پی کے خلاف کارروائی کریں یا ہمارے حوالے کریں۔

نائب وزیراعظم کا مزید کہنا تھا کہ چین کے وزیر خارجہ نے پاکستان کا دورہ کیا۔ چینی وزیر نے پاکستان میں مختلف ملاقاتیں کی۔چینی وزیر خارجہ سے سی پیک ٹو پر بات ہوئی۔