اسلام آباد: پاکستان سمیت دنیا کے کئی حصوں میں آج رات مکمل چاند گرہن ہوگا۔ ماہرین کے مطابق یہ شاندار فلکیاتی مظاہرہ ایشیا، افریقہ اور یورپ کے کچھ حصوں میں دیکھا جا سکے گا۔
سپارکو کے مطابق چاند گرہن کا آغاز آج رات 8 بج کر 30 منٹ پر ہوگا جب کہ رات 1 بج کر 55 منٹ پر زمین کا سایہ چاند کو مکمل طور پر اپنی لپیٹ میں لے لے گا۔ یہ گرہن رات کے آخری پہر تک جاری رہے گا۔
پاکستان کے بیشتر علاقوں میں موسم صاف رہنے کی صورت میں شہری چاند گرہن کا دلکش منظر اپنی آنکھوں سے دیکھ سکیں گے۔ علم فلکیات کے شوقین افراد، طلبہ اور عام شہری اس نایاب فلکیاتی منظر سے لطف اندوز ہوں گے۔
یہ بھی پڑھیں: سال کا پہلا چاند گرہن کب ہوا؟
ماہرین کے مطابق چاند گرہن کو براہِ راست آنکھ سے دیکھنا مکمل طور پر محفوظ ہے۔ تاہم ناظرین دوربین یا ٹیلی اسکوپ کے ذریعے اسے مزید واضح اور خوبصورت انداز میں ملاحظہ کرسکتے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
