سپر بلڈ مون : پاکستان سمیت دنیا کے کئی ممالک میں چاند گرہن کا نظارہ

ویب ڈیسک

07th Sep, 2025. 11:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سپر بلڈ مون : پاکستان سمیت دنیا کے کئی ممالک میں چاند گرہن کا نظارہ

پاکستان سمیت دنیا کے کئی ممالک میں چاند کو گرہن لگ گیا ۔اس موقع پر لاکھوں افراد آسمان کی طرف نظریں جمائے بیٹھے رہے۔

محکمہ موسمیات کے مطابق ایشیا، افریقہ اور یورپ میں مکمل چاند گرہن، جسے ’سپر بلڈ مون‘ کہا جاتا ہے، دنیا بھر میں دیکھا گیا۔

پاکستان میں جزوی چاند گرہن رات 9 بج کر 27 منٹ پر شروع ہوا ، جبکہ 10 بج کر 31 منٹ گرہن مکمل ہوا۔۔ اس کے بعد 11 بج کر 12 منٹ پر یہ عمل اپنے عروج پر پہنچا۔

محکمہ موسمیات کے مطابق چاند گرہن کے اختتام کا وقت رات 1 بج کر 55 منٹ ہے ۔ عروج کے وقت چاند اپنی اصل سفید روشنی کے بجائے سرخی مائل بتایاگیا۔

زمین کے سائے کے قریب سے گزرتے ہوئے یہ منظر دلکش اور حیرت انگیز رہا ، جسے ’سپر بلڈ مون‘ کہا جاتا ہے۔ پاکستان میں بھی اس دوران مکمل سرخ چاند کا واضح نظارہ کیاگیا۔

ماہرین فلکیات کے مطابق جب سورج کی روشنی زمین کی سطح سے گزرتی ہے تو نیلی شعاعیں فلٹر ہو جاتی ہیں اور سرخ روشنی چاند تک پہنچتی ہے، جس سے چاند کا رنگ بدل کر سرخ ہو جاتا ہے۔
پورا چاند اس وقت سامنے آتا ہے جب زمین، سورج اور چاند ایک سیدھ میں آجائیں، اور اس دوران چاند مکمل طور پر روشن دکھائی دیتا ہے۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News