قائد اعظم محمد علی جناح کی برسی آج، پوری قوم کی جانب سے خراج عقیدت پیش کیاگیا۔11ستمبر 1948 کو بابائے قوم انتقال کر گئے تھے۔
آج ان کی 77 ویں برسی عقیدت و احترام سے منائی جارہی ہے ۔ قائداعظم کی قیادت، اصول پسندی، اورسیاسی بصیرت نے برصغیر کے مسلمانوں کو ایک الگ وطن کے خواب کوحقیقت میں بدلنے کا حوصلہ دیا۔
قائداعظم نہ صرف ایک کامیاب وکیل تھے بلکہ وہ انتہائی مدبر اور دانائی سے لبریز شخصیت تھے۔ انہوں نے آئینی جدوجہد کے ذریعے برطانوی راج کے تحت مسلمانوں کے حقوق کے تحفظ کے لیے ناقابلِ فراموش کردار ادا کیا۔
ان کا وژن ایک ترقی پسند، جمہوری اور روادار پاکستان کا تھا، جہاں ہر شہری کو مساوی حقوق حاصل ہوں۔
قائداعظم کی وفات کے فوراً بعد ملک کو اندرونی و بیرونی چیلنجز کا سامنا ہوا۔ لیکن ان کی دی گئی رہنمائی آج بھی ہمارے لیے مشعلِ راہ ہے۔
Advertisement
ان کی برسی پر ملک بھر میں قرآن خوانی، سیمینارز اور دعائیہ تقاریب کا اہتمام کیا جائے گا۔
11ستمبرہمیں قائداعظم کے سنہرے اصولوں پر چلنے کا عہد بھی دلاتا ہے۔ تاکہ پاکستان کو ان کے خوابوں کے مطابق ایک مثالی ریاست بنایا جا سکے۔
Advertisement
Advertisement
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
