کراچی: کورنگی مدینہ کالونی کا نوجوان جہانزیب اپنی شادی سے دو روز قبل پراسرار طور پر لاپتہ ہو گیا، جس کے بعد علاقے اور خاندان میں شدید بے چینی پھیل گئی ہے۔
رشتہ داروں کے مطابق جہانزیب شادی کی تیاری کے لیے سیلون گیا تھا اور روانگی کے وقت اپنا موبائل فون بھی گھر چھوڑ گیا تھا۔ تاہم اس کے بعد سے وہ واپس نہیں آیا اور کوئی سراغ نہیں مل سکا۔
مزید پڑھیں: شادی کا گھر ماتم میں بدل گیا، دولہا اور سالی نہر میں ڈوب کر جاں بحق
گمشدگی کے بعد اہلخانہ اور رشتہ داروں کے درمیان تنازعہ کھڑا ہو گیا۔ رشتہ داروں کا کہنا ہے کہ جہانزیب ایک نمازی اور شریف لڑکا ہے، جو ایک فیکٹری میں ملازمت کرتا تھا۔ انہیں شبہ ہے کہ جہانزیب کو اغوا کر لیا گیا ہے۔
واقعے کی اطلاع زمان ٹاؤن پولیس کو دے دی گئی ہے۔ ایس ایچ او نفیس الرحمن نے بتایا کہ نوجوان کی گمشدگی کی درخواست موصول ہو چکی ہے اور اہلخانہ سے رابطہ برقرار ہے۔ انہوں نے یقین دہانی کرائی کہ جلد مقدمہ درج کر کے قانونی کارروائی کی جائے گی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
