سپر فور مرحلہ: بھارت کو شکست دینے کے لیے قومی ٹیم کا بڑا پلان تیار

اسٹاف رپورٹر

20th Sep, 2025. 01:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سپر فور مرحلہ: بھارت کو شکست دینے کے لیے قومی ٹیم کا بڑا پلان تیار

دبئی: ایشیا کپ کے سپر فور مرحلے میں روایتی حریف بھارت کو شکست دینے کے لیے قومی ٹیم کی اہم بیٹھک ہوئی جس میں کھلاڑیوں اور مینجمنٹ نے خصوصی حکمت عملی پر غور کیا۔

ذرائع کے مطابق اجلاس کے دوران بیٹنگ لائن کے متعدد کھلاڑیوں نے اپنی حالیہ ناکامیوں کا برملا اعتراف کیا۔

کوچ مائیک ہیسن نے میٹنگ میں کھلاڑیوں کو واضح ہدایت دی کہ اسٹرائیک کو مسلسل روٹیٹ کرنا ہی کامیابی کی کنجی ہے۔ ان کا کہنا تھا کہ موجودہ کنڈیشنز بیٹرز کے لیے آسان نہیں ہیں، اس لیے سنگلز اور ڈبلز کے ذریعے اسکور بورڈ کو متحرک رکھنا لازمی ہوگا۔

ذرائع کے مطابق ایک سینئر کھلاڑی نے اجلاس کے دوران کہا کہ ٹیم کو اس وقت بڑی اننگز کی اشد ضرورت ہے تاکہ حریف ٹیموں پر دباؤ ڈالا جا سکے۔

کوچ نے کھلاڑیوں کو وکٹ پر زیادہ دیر رکنے، ذمہ دارانہ کھیلنے اور موقع ملنے پر اسٹرائیک ریٹ تیز کرنے کی بھی ہدایت دی۔

ذرائع کا کہنا ہے کہ میٹنگ میں سب کھلاڑیوں نے عزم ظاہر کیا کہ بھارت کے خلاف میچ میں بہترین کارکردگی دکھا کر کامیابی حاصل کریں گے۔