ایشیاکپ 2025 کے سپر فور مرحلے کے پہلے میچ بنگلادیش نے سری لنکا کو4 وکٹوں  سے شکست دیدی ۔

سری لنکا نے پہلے بیٹنگ کرتے ہوئے بنگلہ دیش کو جیت کے لیے 169 رنز کا ہدف دیا تھا۔

بنگلہ دیش نے 6 وکٹوں کے نقصان پر آخری اوور کی پانچویں بال پر ہدف حاصل کیا۔

سیف الحسن نے 45 بالز پر 61 رنز کی جارحانہ اننگ کھیلی۔ لتن داس 16 بالز پر 23 رنز بناسکے۔ توحید ہردو نے 37 بالز پر 58 رنز بنائے۔

سری لنکا کی جانب سے ونندو ہسرنگا نے 2 کھاڑیوں کو آئوٹ کیا۔ نووان تھوشارا نے ایک وکٹ حاصل کی۔

ایشیاکپ 2025 کے سپر فور مرحلے کا پہلا مقابلہ بنگلادیش اور سری لنکا کی ٹیموں کے درمیان کھیلا گیا۔ بنگلادیش نے ٹاس جیت کر پہلے فیلڈنگ کرنے کا فیصلہ کیا۔

میچ کے لیے بنگلادیش کی جانب سے ٹیم میں 2 تبدیلیاں کی گئیں۔ جبکہ سری لنکن ٹیم بغیر کسی تبدیلی کے میدان میں اتری ہے۔

سری لنکا کی اننگ

سری لنکا نے 20 اوورز کے اختتام پر 7 وکٹوں کے نقصان پر 168 رنز اسکور کیے۔

داسن شناکا نے عمدہ کھیل پیش کرتے ہوئے نصف سنچری کی بدولت 64 رنز کی ناٹ آؤٹ اننگز کھیلی ۔ کوشل مینڈس 34 رنز بناکر آؤٹ ہوئے۔

پتھوم نسانکا 22، کپتان چارتھ اسالنکا 21 اورکوشل پریرا نے 16 رنزبنائے۔

بنگلادیش کی جانب سے مستفیض الرحمان نے 3، مہدی حسن 2 اور تسکین احمد نے ایک کھلاڑی کو آؤٹ کیا۔