ضمنی بلدیاتی انتخابات؛ سندھ کے 14 اضلاع کی 28 نشستوں پر پولنگ جاری

ویب ڈیسک

24th Sep, 2025. 11:12 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ضمنی بلدیاتی انتخابات؛ سندھ کے 14 اضلاع کی 28 نشستوں پر پولنگ جاری

کراچی: صوبہ سندھ کے 14 اضلاع کی 28 نشستوں پر ضمنی بلدیاتی انتخابات کے لیے پولنگ کا عمل جاری ہے۔

ترجمان الیکشن کمیشن سندھ کے مطابق پولنگ صبح 8 بجے شروع ہوئی جو شام 4 بجے تک بلا تعطل جاری رہے گی۔

ترجمان نے بتایا کہ پولنگ کا آغاز مقررہ وقت پر ہوا اور ووٹرز اپنا حق رائے دہی استعمال کرنے کے لیے بڑی تعداد میں پولنگ اسٹیشنز پر پہنچ رہے ہیں۔

انتخابات حیدرآباد، دادو، جامشورو، مٹیاری، سکھر، گھوٹکی اور خیرپور کی مختلف کاؤنسلز میں کرائے جا رہے ہیں جبکہ کراچی کے شرقی، غربی، کیماڑی، میرپورخاص، عمرکوٹ، بدین اور ٹھٹھہ میں بھی پولنگ جاری ہے۔

ترجمان کے مطابق مجموعی طور پر 2 لاکھ 43 ہزار 187 ووٹرز رجسٹرڈ ہیں جن میں ایک لاکھ 33 ہزار 38 مرد اور ایک لاکھ 10 ہزار 154 خواتین شامل ہیں۔

تمام اضلاع میں سیکیورٹی کے سخت ترین انتظامات کیے گئے ہیں تاکہ پولنگ کا عمل صاف، شفاف اور پُرامن طریقے سے مکمل ہو سکے۔

صوبائی الیکشن کمشنر سندھ نے متعلقہ حکام کو مستعد رہنے کی ہدایت کرتے ہوئے کہا ہے کہ عوام بلا خوف و خطر پولنگ اسٹیشنز پہنچ کر اپنا حق رائے دہی استعمال کریں۔