ٹنڈو محمد خان: مبینہ زہریلا کھانا کھانے سے 2 نوجوان جاں بحق، 25 افراد متاثر

اسٹاف رپورٹر

29th Sep, 2025. 03:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹنڈو محمد خان: مبینہ زہریلا کھانا کھانے سے 2 نوجوان جاں بحق، 25 افراد متاثر

ٹنڈو محمد خان: بلڑی شاہ کریم کے قریب گاؤں شفیع محمد لنڈ میں مبینہ طور پر زہریلا کھانا کھانے سے دو نوجوان جاں بحق جبکہ 25 سے زائد افراد متاثر ہوگئے۔

بول نیوز کے مطابق زہریلا کھانا کھانے سے جاں بحق نوجوانوں کی شناخت 18 سالہ مجیب الرحمن ولد حبیب الرحمن اور 20 سالہ غلام حسین ولد محمد لنڈ کے ناموں سے ہوئی ہے۔

علاقہ مکینوں کا کہنا ہے کہ واقعے سے قبل زمینوں میں تازہ کیڑے مار ادویات کا اسپرے کیا گیا تھا، جس کے بعد مقامی کسانوں نے مچھلی پکا کر کھائی اور ڈائریا کی شکایات پھیل گئیں۔

متاثرہ افراد کو ریسکیو 1122 کی ایمبولینسز کے ذریعے ڈی ایچ کیو اسپتال ٹنڈو محمد خان اور سول اسپتال حیدرآباد منتقل کیا جا رہا ہے۔ محکمہ صحت کی ٹیمیں بھی بی ایچ یو سعید خان لنڈ پہنچ گئی ہیں اور متاثرین کو فوری طبی امداد فراہم کی جا رہی ہے۔

علاقہ مکینوں نے مطالبہ کیا ہے کہ فوری طور پر میڈیکل کیمپ قائم کیا جائے تاکہ ڈائریا کی وبا پر قابو پایا جا سکے۔