بھارتی کرکٹ بورڈ نے ایشیا کپ ٹرافی کا معاملہ آئی سی سی میں اٹھانے کا فیصلہ کرلیا

ویب ڈیسک

29th Sep, 2025. 04:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی کرکٹ بورڈ نے ایشیا کپ ٹرافی کا معاملہ آئی سی سی میں اٹھانے کا فیصلہ کرلیا

بھارتی کرکٹ بورڈ بی سی سی آئی نے ایشیا کپ 2025 کی ٹرافی کے معاملے کو انٹرنیشنل کرکٹ کونسل میں لے جانے کا فیصلہ کرلیا ہے۔

بھارتی بورڈ کے سیکرٹری دیوا جیت سائیکیا کا کہنا ہے کہ آئی سی سی کا اجلاس نومبر کے پہلے ہفتے میں دبئی میں ہونے جا رہا ہے اور ہم اس اجلاس میں ایشین کرکٹ کونسل کے چیئرمین محسن نقوی کے رویے کے خلاف شدید احتجاج ریکارڈ کرائیں گے۔

سیکرٹری بی سی سی آئی نے کہا کہ بھارتی بورڈ پہلے دن سے اپنی حکومتی پالیسی پر عمل درآمد کر رہا ہے اور یہ ٹورنامنٹ ایک ملٹی نیشنل ایونٹ ہے، ہم پاکستان کے ساتھ باہمی سیریز نہیں کھیلتے لیکن ایشیا کپ میں سب کچھ سب کے سامنے ہوا۔

ان کا کہنا تھا کہ ہم نے جان بوجھ کر ایشین کرکٹ کونسل کے چیئرمین محسن نقوی سے ٹرافی نہ لینے کا فیصلہ کیا کیونکہ محسن نقوی حکومت پاکستان کے مرکزی لیڈر ہیں اور وہ ٹرافی اور میڈلز اپنے ساتھ لے گئے، ہمیں امید ہے کہ یہ ٹرافی اور میڈلز بہت جلد بھارت کو واپس کر دیے جائیں گے اور اس پر ہم اپنا بھرپور مؤقف آئی سی سی اجلاس میں رکھیں گے۔

اسی دوران بھارتی بورڈ کے سیکرٹری نے اعلان کیا کہ پاکستان کو کھیل کے میدان میں شکست دینے پر بھارتی اسکواڈ کو 21 کروڑ روپے کا انعام دیا جائے گا اور یہ انعام اس کامیابی پر ٹیم انڈیا کی حوصلہ افزائی کے لیے رکھا گیا ہے۔