ملائیشیا میں وزیراعظم کے اعزاز میں استقبالیہ تقریب؛ گارڈ آف آنر پیش

ویب ڈیسک

06th Oct, 2025. 10:02 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملائیشیا میں وزیراعظم کے اعزاز میں استقبالیہ تقریب؛ گارڈ آف آنر پیش

کوالالمپور: وزیراعظم محمد شہباز شریف کے اعزاز میں ملائیشیا میں باضابطہ استقبالیہ تقریب منعقد ہوئی۔

وزیراعظم شہباز شریف ملائیشیا کے وزیراعظم انور ابراہیم کے دفتر ’’پردانا پترا‘‘ پہنچے، جہاں اُن کے ہم منصب نے پرتپاک خیرمقدم کیا۔ اس موقع پر دونوں رہنماؤں نے گلے مل کر ملاقات کی۔

مسلح افواج کے دستے نے وزیراعظم شہباز شریف کو گارڈ آف آنر پیش کیا اور دونوں ممالک کے قومی ترانے بجائے گئے، تاہم جس کے بعد وزیراعظم نے ملائیشیا کے وزراء اور اعلیٰ حکام سے مصافحہ کیا۔

دوسری جانب وزیراعظم کی ملائیشین ہم منصب سے اہم ملاقات شیڈول ہے جس میں تجارت، سرمایہ کاری، آئی ٹی، تعلیم، توانائی اور ڈیجیٹل معیشت میں تعاون بڑھانے پر بات چیت ہوگی۔

مزید پڑھیں: وزیراعظم کا سرکاری دورۂ ملائیشیا، دوطرفہ تعاون کے نئے باب کھلنے کی توقع

ذرائع کے مطابق وفود کی سطح پر مذاکرات کے بعد مختلف شعبوں میں تعاون کے معاہدوں پر دستخط بھی متوقع ہیں۔

واضح رہے کہ وزیراعظم گزشتہ شب سرکاری دورے پر کوالالمپور پہنچے تھے، جہاں بنگا رایا بین الاقوامی ہوائی اڈے پر ملائیشیا کے وزیر اطلاعات و کمیونیکیشنز فہمی فاضل، پاکستانی ہائی کمشنر سید احسن رضا شاہ اور سفارتی عملے نے ان کا استقبال کیا۔

وزیراعظم کے ہمراہ نائب وزیراعظم و وزیر خارجہ اسحاق ڈار، وفاقی وزیر اطلاعات و نشریات عطا اللہ تارڑ اور معاون خصوصی طارق فاطمی بھی شریک ہیں۔