سرکاری کمپنیوں کے سی ای اوز کی تنخواہوں میں بے تحاشا اضافہ، سینیٹ کمیٹی نے سوالات اٹھا دیے

ویب ڈیسک

06th Oct, 2025. 07:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سرکاری کمپنیوں کے سی ای اوز کی تنخواہوں میں بے تحاشا اضافہ، سینیٹ کمیٹی نے سوالات اٹھا دیے
افغانستان آگ اور خون کا کھیل کھیل رہا ہے، بھارت کی طرح دماغ ٹھکانے آ جائے گا، محسن نقوی
پاک فضائیہ حرکت میں آگئی، کابل سمیت اہم افغان شہروں پر جنگی طیاروں اور ڈرونزکی پروازیں
افغانستان کا بلا اشتعال حملہ، پاکستان کا بھرپورجوابی وار، متعدد چوکیاں تباہ، کئی افغان فوجی اور خوارجی ہلاک

Now Reading:

سرکاری کمپنیوں کے سی ای اوز کی تنخواہوں میں بے تحاشا اضافہ، سینیٹ کمیٹی نے سوالات اٹھا دیے

وفاقی وزارت تجارت کے ماتحت اداروں کے سی ای اوز کی تنخواہوں اور مراعات پر سینیٹ کی قائمہ کمیٹی برائے تجارت کے اجلاس میں سخت سوالات اٹھائے گئے۔

اجلاس میں پیش کی گئی دستاویزات کے مطابق ٹریڈنگ کارپوریشن کے سی ای او کی گراس تنخواہ 8 لاکھ 73 ہزار، اسٹیٹ لائف کے سی ای او کی 30 لاکھ 45 ہزار، جبکہ نیشنل انشورنس کمپنی کے سی ای او کی 30 لاکھ 73 ہزار روپے ماہانہ تک جا پہنچی ہے۔

سینیٹر انوشہ رحمان نے کہا کہ ماضی میں سی ای اوز کی تنخواہیں صرف 5 لاکھ روپے تھیں، لیکن اب بغیر کسی کارکردگی کے انہیں کروڑوں روپے کے بونس اور پرتعیش مراعات دی جا رہی ہیں، جو عوامی پیسے کے ساتھ زیادتی ہے۔

سیکریٹری تجارت نے وضاحت دیتے ہوئے بتایا کہ جنوری 2023 میں لاگو کیے گئے نئے قانون کے تحت کمپنیوں کے خودمختار بورڈ آف ڈائریکٹرز قائم کیے گئے ہیں، جنہیں سی ای اوز کی تقرری اور تنخواہوں کا مکمل اختیار حاصل ہے۔

انہوں نے تسلیم کیا کہ اب وفاقی وزارتیں ان بورڈز کو کنٹرول نہیں کر سکتیں، صرف وفاقی حکومت انہیں ہدایات دے سکتی ہے۔

سینیٹر انوشہ رحمان نے تجویز دی کہ بورڈز کے اختیارات محدود کرتے ہوئے سی ای اوز کی تنخواہیں تین سال کے لیے فکس کی جائیں اور کارکردگی سے مشروط کی جائیں۔ کمیٹی نے معاملے پر مزید غور اور جامع رپورٹ طلب کرنے کا فیصلہ کیا ہے۔